Isaias 14:1-32
14 Kaasianto ni Jehova ni Jacob,+ ket piliennanto manen ti Israel.+ Pagnaedennanto* ida iti dagada,+ ken makikaduanto kadakuada dagiti ganggannaet ken makitiponda iti sangakabbalayan ni Jacob.+
2 Alaento ida dagiti tattao sa maipanda iti lugarda, ket pagbalinento ida ti sangakabbalayan ti Israel kas adipenda a lallaki ken babbai+ iti daga ni Jehova. Tiliwendanto dagidiay nangtiliw kadakuada, ket iturayanda dagidiay nangpilit kadakuada nga agtrabaho.*
3 Inton paginanaennaka ni Jehova manipud iti rigat, ut-ot, ken nakaro a pannakaadipenmo,+
4 ibagamto daytoy a proverbio* maibusor iti ari ti Babilonia:
“Awanen daydiay mangpilpilit iti dadduma nga agtrabaho!*
Nagpatinggan ti pannakaparigat!+
5 Tinukkol ni Jehova ti sarukod dagiti dakes,Ti baston dagiti agtuturay,+
6 Daydiay sirurungsot a mangkabkabil iti tattao,+Daydiay sipupungtot a mangsaksakup ken mangidaddadanes kadagiti nasion.+
7 Aginanan ti intero a daga, awanen ti riribuk.
Agpukkaw ti tattao iti ragsakda.+
8 Maragsakan kenka dagiti kayo a parwa,Agraman dagiti sedro ti Lebanon.
Ibagada, ‘Sipud idi natuangka,Awanen ti umay mangpukan kadakami.’
9 Magagaran uray ti Tanem*A sumabet kenka.
Gapu kenka, nariing dagiti natay,Amin a mangirurumen a lider* iti daga.
Timmakder iti tronoda ti amin nga ari dagiti nasion.
10 Kinunada amin kenka,‘Kimmapuyka met kadi a kas kadakami?
Nagbalinka kadi a kas kadakami?
11 Naipababa iti Tanem* ti kinapangasmo,Ti uni dagiti instrumentom a dekuerdas.+
Naiwaras dagiti igges a kas pagiddaam,Ken dagita ti pagulesmo.’
12 Anian a pannakatnagmo manipud langit,Sika nga agsilsilnag, anak ti agsapa!
Anian a pannakapukanmo iti daga,Sika a mangparparmek kadagiti nasion!+
13 Kinunam iti pusom, ‘Umuliakto idiay langit.+
Ipankonto ti tronok iti ngatuen dagiti bituen ti Dios,+Ket agtugawakto iti bantay a pagtataripnongan,Iti kaadaywan a paset ti amianan.+
14 Mapanakto iti ngatuen dagiti ulep;Pagbalinekto ti bagik a kaasping ti Kangatuan.’
15 Ngem maipababakanto iti Tanem*Iti kaunegan a paset ti abut.
16 Mingmingandakanto dagidiay kumitkita kenka;Sukimatendakanto a naimbag, ket ibagada,‘Daytoy kadi ti lalaki a nanggunggon iti daga,A namagpigerger kadagiti pagarian,+
17 A namagbalin iti lubong a kas iti let-angKen nangdadael kadagiti siudadna,+Ken saan a nangpaawid kadagiti baludna?’+
18 Amin a dadduma pay nga ari dagiti nasion,Wen, aminda, nadayaw ti pannakaitabonda,Tunggal maysa iti tanemna.*
19 Ngem naipalladawka nga awan pakaitanemam,Kas iti nakaal-alas a saringit,*Naabbonganka iti bangkay dagiti naduyok iti espada,A maibelleng iti abut a nabato,Kas iti bangkay a naipayatpayat.
20 Saankanto a maitipon kadakuada iti tanem,Ta dinadaelmo ti dagam,Pinapataymo dagiti iturayam.
Saanton a madakamat ti kaputotan dagiti managdakdakes.
21 Agsaganakayo a mangpapatay kadagiti annaknaGapu iti basol dagidi ammada,Tapno saanda a bumusor ket iturayanda ti dagaKen punnuenda ti lubong kadagiti siudadda.”
22 “Busorekto ida,”+ kinuna ni Jehova a panguluen dagiti armada.
“Ken punasekto iti Babilonia ti aniaman a nagan, natda, kaputotan, ken annak,”+ kinuna ni Jehova.
23 “Pagbalinekto a kadandanuman ken kukua dagiti porkupino, ket dadaelekto a naan-anay,”+ kinuna ni Jehova a panguluen dagiti armada.
24 Inkari ni Jehova a panguluen dagiti armada:“Mapasamakto ti pinanggepko,Ken pumudnonto ti inkeddengko.
25 Dadaelekto ti Asiriano iti dagak,Ken ipayatpayatkonto iti bantayko.+
Maikkatto ti sangolna iti ilikKasta met ti awitna iti abagada.”+
26 Daytoy ti naikeddeng* maibusor iti intero a daga,Ken daytoy ti ima a nailayat* maibusor iti amin a nasion.
27 Ta nagdesisionen ni Jehova a panguluen dagiti armada,Ket asino ti makalapped?+
Nakalayaten ti imana,Ket asino ti makaigawid?+
28 Idi tawen a natay ni Ari Ahaz,+ dimteng daytoy a mensahe:
29 “Dika agragsak, Filistia, asinoman kadakayo,Gapu laeng ta natukkolen ti baston ti mangkabkabil kadakayo.
Ta addanto nagita nga uleg+ a rummuar iti kapuonan ti uleg,+Ket ti kaputotanna maysanto a napartak a nagita nga uleg.*
30 Bayat a mangmangan ti inauna nga anak dagiti nanumo,Ken agid-idda a sitatalged dagiti napanglaw.
Papatayekto ti ramutmo iti nakaro a bisin,Ket mapapatayto ti matedda kenka.+
31 Agdung-awka, O ruangan! Agikkiska, O siudad!
Kumapuyto amin ti pakinakemyo, O Filistia!
Ta um-umay ti asuk manipud iti amianan,Ket awan ti maisinsina iti armadana.”
32 Anianto ti isungbatda kadagiti mensahero ti nasion?
Insaad ni Jehova ti pundasion ti Sion,+Ken agkamangto sadiay dagiti nanumo a tattaona.
Footnotes
^ Wenno “Paginanaennanto.”
^ Wenno “mangidadaulo iti trabaho.”
^ Wenno “panglais.”
^ Wenno “mangidadaulo iti trabaho.”
^ Lit., “kalakian a kalding.”
^ Lit., “balayna.”
^ Wenno “sanga.”
^ Lit., “balakad a naibalakad.”
^ Wenno “nakasagana a kumabil.”
^ Lit., “tumaytayab nga umap-apuy nga uleg.”
