Isaias 28:1-29
28 Kaasi pay ti naparammag* a korona* dagiti mammartek iti Efraim,+Ken ti sabong nga agkupkupas ti nadayag a pintasna,Nga adda iti tuktok ti nadam-eg a tanap nga ayan dagidiay nabartek iti arak!
2 Mangibaon ni Jehova iti maysa a napigsa ken nabileg.
Kas iti gurruod ken uraro, makadadael nga angin,Kas iti aggurgurruod a bagyo ti napigsa a layus,Ipuruaknanto ti korona iti daga.
3 Maipayatpayatto dagiti naparammag* a koronaDagiti mammartek iti Efraim.+
4 Ti sabong nga agkupkupas ti nadayag a pintasna,Nga adda iti tuktok ti nadam-eg a tanap,Agbalinto a kas iti nasapa a higos sakbay ti kalgaw,
A tilmonen ti makakita iti dayta bayat nga ig-iggamanna.
5 Iti dayta nga aldaw, ni Jehova a panguluen dagiti armada ket agbalinto a kas iti nadayag a korona ken napintas a balangat kadagidiay nabatbati iti ilina.+
6 Tignayennanto daydiay agtugtugaw iti pangukoman a mangipakat iti hustisia ken ikkanna iti bileg dagidiay mangidepensa iti ruangan manipud kadagiti kabusor.+
7 Mayaw-awan met dagitoy gapu iti arak;Agibar-ibarda gapu iti naingel nga inumen.
Mayaw-awan ti padi ken propeta gapu iti arak;Maulawda iti arak,Ket agibar-ibarda gapu iti arakda;Mayaw-awanda gapu iti sirmatada,Ken di umiso ti desisionda.+
8 Ta napno dagiti lamisaanda iti narugit a sarua—Awan ti disso a saan a nasaruaan.
9 Asinonto ti sursuruan ti maysa a tao,Ken asinonto ti pangilawlawaganna iti mensahe?
Dagidiay kapuspusot,Dagidiay saanen nga agsuso?
10 Ta dayta ket “bilin kalpasan ti bilin, bilin kalpasan ti bilin,Linia por linia, linia por linia,*+Bassit ditoy, bassit sadiay.”
11 Agsaonto iti daytoy nga ili babaen kadagidiay beddal nga agsao* ken babaen iti sabali a lengguahe.+
12 Imbagana idi kadakuada: “Daytoy ti paginanaan. Aginana koma daydiay nabannog; daytoy ti lugar a pakabang-aran,” ngem saanda a dimngeg.+
13 Iti kasta, ibaganto ni Jehova:
“Bilin kalpasan ti bilin, bilin kalpasan ti bilin,Linia por linia, linia por linia,*+Bassit ditoy, bassit sadiay,”
Tapno inton magnada,Maitibkol ken mabaliktaddaKet mablo, masiluan, ken matiliwda.+
14 Denggenyo ti sao ni Jehova, dakayo a pangas,Dakayo nga agtuturay kadagitoy nga umili ti Jerusalem,
15 Ta ibagbagayo:
“Nakitulagkami ken Patay,+Ket nangaramidkami iti tulagan* iti Tanem.*
Inton lumabas ti napegges a layus,Saanto a makadanon kadakami,Ta nagkamangkami iti ulbod,Ken naglemmengkami iti kinaulbod.”+
16 Gapuna, kinuna ti Kangatuan* nga Apo Jehova:
“Mangisaadak idiay Sion iti natangken a bato kas pundasion,+Ti napateg a bato a pasuli+ ti nalagda a pundasion.+
Saanto nga agdanag ti asinoman a mamati iti dayta.+
17 Pagbalinekto ti hustisia kas pagrukod+Ken ti kinalinteg kas nibel.*+
Dadaelento ti uraro ti saan a pudno a pagkamangan,Ket layusento ti danum ti lugar a paglemmengan.
18 Mawaswasto ti tulagyo ken Patay,Ket saanto nga agtalinaed ti tulaganyo iti Tanem.*+
Inton lumabas ti napegges a layus,Madadaelkayto.
19 MayanudkaytoTunggal lumabas dayta;+Ta binigatto a lumasat,Bayat ti aldaw ken rabii.
Ti laeng buteng ti mangipaawat iti nangngegda.”*
20 Ta ababa unay ti katre a pagiddaan,Ken akikid unay ti inabel nga ules a pagkumot.
21 Ta tumakderto ni Jehova a kas idi idiay Bantay Perazim,Agpungtotto a kas idi iti tanap* iti asideg ti Gibeon,+Tapno maitungpalna ti karkarna nga aramidnaKen maaramidna ti naidumduma a trabahona.+
22 Ita, dikay manglais,+Tapno saan nga ad-adda nga umirut dagiti galutyo,Ta nangngegko iti Kangatuan nga Apo, ni Jehova a panguluen dagiti armada,A naikeddengen a maibus ti intero a daga.+
23 Denggenyo ti timekko;Ipangagyo ti ibagak.
24 Agmalmalem aya nga agarado ti maysa a tao sakbay nga agmula iti bin-i?
Itultuloyna kadi nga araduen ken palpalen ti dagana?+
25 No napalanasnan ti rabawna,Saan aya nga agipuruak iti nangisit a kumino ken iwarisna ti kumino,Ken saan kadi nga agmula iti trigo, mijo, ken sebada iti pakaimulaandaKen espelta+ kas pannakaalad?
26 Ta isuro* ti Dios ti tao sigun iti umiso.Ti Diosna ti mangisuro kenkuana.+
27 Ta saan a mairik ti nangisit a kumino babaen ti pasagad,+Ket saan a maipadalan ti pilid ti kareson iti kumino.
Imbes ketdi, mabatbat ti nangisit a kumino babaen ti pang-or,Ken ti kumino babaen ti sarukod.
28 Rumeken aya ti tao ti bukbukel tapno aramidenna a tinapay?
Saan, dina iriken nga agtultuloy;+Ket no ipadalanna ti pilid ti karesonna a guyguyoden dagiti kabaliona,Saanna a rumeken dayta.+
29 Naggapu met daytoy ken Jehova a panguluen dagiti armada,A nakaskasdaaw ti balakadna*Ken naindaklan dagiti naaramidanna.*+
Footnotes
^ Nalabit tumukoy iti kabesera a siudad, ti Samaria.
^ Wenno “napannakkel; napangas.”
^ Wenno “napannakkel; napangas.”
^ Wenno “pagrukod a parteng iti rabaw ti pagrukod a parteng, pagrukod a parteng iti rabaw ti pagrukod a parteng.”
^ Lit., “a bibig.”
^ Wenno “pagrukod a parteng iti rabaw ti pagrukod a parteng, pagrukod a parteng iti rabaw ti pagrukod a parteng.”
^ Wenno mabalin a, “nakakitakami iti sirmata.”
^ Wenno “Soberano.”
^ Wenno “tinnag.”
^ Wenno mabalin nga, “Inton matarusanda, napalalonto ti butengda.”
^ Wenno “kapatagan.”
^ Wenno “disiplinaen; sapliten.”
^ Wenno “panggepna.”
^ Wenno “Ken naindaklan ti praktikal a siribna.”
