Isaias 59:1-21
59 Saan nga ababa ti ima ni Jehova tapno di makaisalakan,+Ken saan a nakapsut* ti lapayagna tapno di makangngeg.+
2 Saan, dagiti basolyo ti nangisina kadakayo iti Diosyo.+
Inlingedna ti rupana kadakayo gapu iti basolyo,Ken saannakayo a kayat a denggen.+
3 Ta namansaan dagiti dakulapyo iti dara+Ken dagiti ramayyo iti biddut.
Agul-ulbod dagiti bibigyo,+ ken agsasao ti dilayo iti kinakillo.
4 Awan ti umaw-awag iti kinalinteg,+Ken awan ti asinoman a mapan iti korte nga agsao iti pudno.
Agtalekda iti saan nga agpaypayso*+ ken agsaoda iti awan serserbina.
Mangyinawda iti riribuk ket mangyanakda iti makadangran.+
5 Ukopanda dagiti itlog ti nagita nga uleg,Ken lagaenda ti saput ti lawwalawwa.+
Matay ti asinoman a mangan kadagiti itlogda,Ken agpessa iti karasaen ti mabtak nga itlog.
6 Saan a mabalin a pagbado ti saputda,Ken saanda a mayabbong iti bagida ti aramidenda.+
Makadangran ti aramidda,Ken naranggas dagiti imada.+
7 Agtaray ti sakada nga agaramid iti dakes,Ken agdardarasda a mangibukbok iti awanan basol a dara.+
Makadangran ti pampanunotenda;Makadadael ken naladingit ti dalanda.+
8 Saanda a naammuan ti dalan ti talna,Ken awan ti hustisia iti danada.+
Kinilloda dagiti kalsadada;Ti magna kadagita saanna a maammuan ti talna.+
9 Isu nga adayo kadakami ti hustisia,Ken saannakami a makamakam ti kinalinteg.
Mangnamnamakami iti lawag, ngem kinasipnget ti adda;Iti kinaraniag, ngem magmagnakami iti kinalidem.+
10 Kaslakami bulsek nga agar-arikap iti diding;Kas kadagiti agkarkaradap nga awanan iti mata.+
Maitiklebkami iti tengnga ti aldaw a kas man la rabii a nasipnget;Kaslakami natay iti nagbabaetan dagiti napigsa.
11 Agas-asugkami amin kas iti osoKen agkukkukokkami a sileleddaang kas iti kalapati.
Mangnamnamakami iti hustisia, ngem awan;Iti pannakaisalakan, ngem adayo kadakami.
12 Ta namin-adu a nagrebeldekami kenka;+Agtestigo maibusor kadakami ti tunggal basolmi.+
Ta ammomi dagiti panagrebeldemiKen dagiti basolmi.+
13 Nagbasolkami ken inlibakmi ni Jehova;Tinallikudanmi ti Diosmi.
Nagsasaritaanmi ti panangidadanes ken panagrebelde;+Nagulbod ken nagsaokami iti di umiso manipud iti pusomi.+
14 Naisanud ti hustisia,+Ken immadayo ti kinalinteg;+Ta naitibkol ti kinapudno iti plasa,Ken saan a makastrek ti kinalinteg.
15 Nagpukaw ti kinapudno,+Ken naagawan ti asinoman a timmallikud iti dakes.
Nakita daytoy ni Jehova ket saan a naragsakan,*Ta awan ti hustisia.+
16 Awan ti nakitana a nalinteg,Nasdaaw ta awan ti bimmallaet,Isu nga inyeg ti imana ti pannakaisalakan,*Ken timmulong ti bukodna a kinalinteg.
17 Insuotna met ti kinalinteg kas nagsasaip a kabalKen ti helmet ti pannakaisalakan* iti ulona,+
Imbadona ti pammales+Ken binalkutna ti bagina iti kinaregta a kas kagay.*
18 Gunggonaannanto ida gapu iti inaramidda:+
Pungtot kadagiti kalabanna, dusa kadagiti kabusorna.+
Ken agibalesto kadagiti isla.
19 Agbutengto iti nagan ni Jehova dagidiay adda iti paglennekan ti initKen iti dayagna dagidiay adda iti pagsingisingan ti init,Ta umayto kas iti napegges a karayan,Nga idurduron ti espiritu ni Jehova.
20 “Umayto iti Sion ti Manangsaka,+Kadagiti kaputotan ni Jacob a mangtallikud iti basol,”+ kuna ni Jehova.
21 “No maipapan kaniak, daytoy ti tulagko kadakuada,”+ kuna ni Jehova. “Ti espirituk nga adda kenka ken ti saok nga inkabilko iti ngiwatmo—saanto a maikkat iti ngiwatmo, iti ngiwat dagiti annakmo,* wenno iti ngiwat dagiti appokom,”* kuna ni Jehova, “manipud ita ken iti agnanayon.”
Footnotes
^ Lit., “nadagsen.”
^ Wenno “iti ubbaw.”
^ Lit., “dakes kadagiti matana.”
^ Wenno “panagballigi.”
^ Wenno “awan imana a kagay.”
^ Wenno “panagballigi.”
^ Lit., “bin-im.”
^ Lit., “bin-i ti bin-im.”
