Isaias 62:1-12
-
Baro a nagan ti Sion (1-12)
62 Saanakto nga agulimek maigapu iti Sion,+Ken saanakto nga agtalna maigapu iti JerusalemAgingga nga agsilnag ti kinalintegna kas iti naraniag a silaw+Ken sumged ti pannakaisalakanna kas iti aluten.+
2 “Makitanto dagiti nasion ti kinalintegmo, O babai,+Ken makitanto ti amin nga ari ti kinadayagmo.+
Maawagankanto iti baro a nagan,+Nga ited a mismo ni Jehova.
3 Agbalinkanto a korona ti kinapintas iti ima ni Jehova,Maysa a turbante ti ari iti dakulap ti Diosmo.
4 Saankanton a maawagan iti nabaybay-an a babai,+Ken saanton a maawagan ti dagam iti napanawan.+
No di ket maawagankanto iti Isu ti Pagragsakak,+Ken maawaganto ti dagam iti Naasawaan.
Ta maragsakanto kenka ni Jehova,Ket agbalinto ti dagam a kasla naasawaan.
5 Ta no kasano nga ikasar ti agtutubo a lalaki iti maysa a birhen,Ikasardakanto dagiti annakmo.
No kasano a naragsak ti nobio gapu iti nobia,Naragsakto met ti Diosmo gapu kenka.+
6 Nangdutokak kadagiti parabantay kadagiti padermo, O Jerusalem.
Agmalmalem ken agpatpatnag a saanda nga agulimek.
Dakayo a mangdaydayaw ken Jehova,Dikay aginana,
7 Diyo paginanaen agingga a maipasdekna a sititibker ti Jerusalem,Wen, agingga a mapagbalinna dayta a pakaidayawan ti daga.”+
8 Nagsapata ni Jehova babaen ti kannawan nga imana, ti napigsa a takiagna:
“Saankonton nga ited ti apitmo a bukbukel kas taraon dagiti kabusormo,Saanto metten nga inumen dagiti ganggannaet ti baro nga arakmo, a nagbannogam.+
9 No di ket kanento dayta dagidiay agan-ani iti bukel, ket idaydayawdanto ni Jehova;Ken inumento dayta dagidiay agum-ummong iti arak iti nasantuan a paraangak.”+
10 Rummuarkayo, rummuarkayo kadagiti ruangan.
Wayaanyo ti dalan dagiti tattao.+
Agaramidkayo, agaramidkayo iti kalsada.
Ikkatenyo dagiti batona.+
Mangingatokayo iti senial* para kadagiti tattao.+
11 Impakaammo ni Jehova kadagiti ungto ti daga:
“Ibagayo iti anak a babai ti Sion,‘Kitaem! Um-umayen ti pannakaisalakanmo.+
Adtoy! Awitna ti itedna a gunggona,Ken adda iti sanguananna ti ipaayna a tangdan.’”+
12 Maawagandanto iti nasantuan nga ili, dagidiay sinaka ni Jehova,+Ken maawagankanto iti Siudad a Birbiroken, Siudad a Saan a Nabaybay-an.+
Footnotes
^ Wenno “pagilasinan a poste.”
