Jeremias 47:1-7
-
Padto maibusor kadagiti Filisteo (1-7)
47 Kinuna ni Jehova ken propeta Jeremias maipapan kadagiti Filisteo,+ sakbay a sinakup ni Faraon ti Gaza.
2 Imbaga ni Jehova:
“Kitaenyo! Um-umay ti danum nga aggapu iti amianan.
Napigsa ti ayusda a manglayus.
Layusenda ti pagilian ken ti amin nga adda iti dayta,Ti siudad ken dagiti umilina.
Agikkisto dagiti tattao,Ken aganug-ogto ti amin nga umili.
3 Gapu iti dalagudog dagiti kabaliona,Ken ti karadakad dagiti karuahena a pakigubat,Ken ti ranetret dagiti pilidna,Saan pay ketdin a taliawen dagiti amma ti annakda,Gapu ta agkakapuyen dagiti imada,
4 Dumteng ngaminen ti aldaw a madadael ti amin a Filisteo;+Awanton ti mabati a kaaliado ti Tiro+ ken Sidon.+
Ta dadaelen ni Jehova dagiti FilisteoA nabatbati iti isla ti Caftor.*+
5 Agkalbonto* ti Gaza.
Nadadaelen ti Askelon.+
Dakayo a nabati kadagiti tanap,*Kaanonto nga isardengyo ti panangsugsugatyo iti bagiyo?+
6 Sika nga espada ni Jehova!+
Kasanonto kabayag a dika agulimek?
Agsublika iti kalubanmo.
Aginanaka ken agulimekka.
7 Kasano koma nga agulimekKet binilin ni Jehova?
Mapanna rauten ti Askelon ken dagiti adda iti igid ti baybay,+Dayta ti nangibaonanna kenkuana.”
Footnotes
^ Kayatna a sawen, ti Creta.
^ Kayatna a sawen, agpakalboda gapu iti ladingit ken pannakaibabain.
^ Wenno “kapatagan.”
