Job 31:1-40
31 “Nakitulagak kadagiti matak.+
Isu nga apay koma a mangipakitaak iti di umiso nga atension iti sabali a babai?+
2 Ania koma ngarud ti bingayko nga ited ti Dios sadi ngato?Ania koma ti ipatawid kaniak ti Mannakabalin-amin nga adda sadi langit?
3 Saan kadi a didigra ti agur-uray iti managdakdakesKen kalamidad kadagidiay agar-aramid iti makapasakit?+
4 Saanna aya a makita ti daldalanko+Ken saanna aya a mabilang ti amin nga addangko?
5 Napadasak kadin ti nagulbod?*
Adda kadin innallilawko?+
6 Timbangennak koma ti Dios iti husto a timbangan;+Tapno sigurado a makitana nga awan pagkurangak.+
7 No umadayo koma dagiti addangko iti dalanna+Wenno sinurot ti pusok dagiti nakita ti matak+Wenno narugitan dagiti imak,
8 Agmulaak koma ngarud ket sabali ti mangan,+Ken maparut koma dagiti immulak.*
9 No adda babai a nangsulisog iti pusok+Ken naglemmengak a nagur-uray+ iti ridaw ti kaarrubak,
10 Aggiling koma ngarud ti asawak iti bukbukel para iti sabali a lalaki,Ken kaiddaen koma dagiti sabali a lallaki.*+
11 Ta nakababain dayta nga aramid,Basol a maikari iti panangdusa dagiti hues.+
12 Apuy dayta a manglamut ken mangdadael,*+Uramenna uray dagiti ramut* ti amin nga apitko.
13 No diak impakita ti hustisia kadagiti adipenko a lallaki wenno babbaiIdi adda reklamoda* maikontra kaniak,
14 Ania ti aramidek inton komprontaennak* ti Dios?
Ania ti isungbatko inton singirennak?+
15 Saan aya a Daydiay nangaramid kaniak iti aanakan ni inak ti nangaramid met kadakuada?+
Saan aya a maymaysa Daydiay nangbukel kadakami sakbay a nayanakkami?*+
16 No saanko nga inted ti dawdawaten dagiti napanglaw+Wenno pinaglidayko dagiti mata ti balo a babai;*+
17 No sisiak ti nangan iti bingayko a taraonA diak man la inikkan dagiti ulila;+
18 (Ta sipud idi agtutuboak, ay-aywanakon ti ulila a kasla siak ti amana,Ken sipud idi ubingak,* siakon ti mangas-asikaso iti balo a babai.)
19 No adda makitak a matmatay gapu ta awan ti badonaWenno maysa a marigrigat nga awan man la ti maisuotna;+
20 No dinak binendisionan+Bayat nga agpapaimeng iti lupot a naaramid iti dutdot ti karnerok;
21 No saanko a tinulongan ti ulila+Idi kasapulanna ti tulongko idiay ruangan ti siudad;*+
22 Maisina koma ngarud ti takiagko manipud iti abagak,Ken matukkol koma ti imak manipud iti sikok.*
23 Ta mabutengak iti didigra manipud iti Dios,Ket saanak a makapagbayag iti sango ti dayagna.
24 No agtalekak iti balitokWenno ibagak iti puro a balitok, ‘Sika ti proteksionko!’+
25 No pagragsakak ti dakkel a kinabaknangko+Gapu iti adu a bambanag a naurnongko;+
26 No nakitak nga agsilsilnag ti init*Wenno nakitak a bumalballasiw ti naraniag a bulan;+
27 Ken inallilawnak ti pusok,Ken binisongko ti imak tapno ipakitak nga agdaydayawak kadakuada;+
28 Nakabasolak ngarud ket masapul a dusaendak dagiti hues,Ta tinallikudak ti pudno a Dios nga adda iti ngato.
29 Naragsakanak kadi iti pannakadadael ti kalabanko+Wenno naayatanak iti dakes a napasamak kenkuana?
30 Diak pulos impalubos nga agbasol ti ngiwatkoBabaen ti panangilunodko a mapukaw koman ti biagna.*+
31 Saan kadi nga imbaga dagiti tattao iti pagtaengak,‘Adda kadi asinoman a saan a napnek iti taraon* ni Job?’+
32 Iti rabii, awan ti estranghero* a maturog iti ruar;+Pinadagusko ti biahero.
33 Adda kadin basolko a kinalubak kas iti inaramid ti dadduma,+Babaen ti panangilemmengko iti basolko iti bulsak?
34 Adda kadin tiempo a madanaganak iti reaksion ti adu,Wenno nagbutengak iti pananglais ti dadduma a pamilia,Isu a diak makasao ken mabutengak a rummuar?
35 No la koma adda dumngeg kaniak!+
Pirmaak dagiti ibagak.*
Sungbatannak koma ti Mannakabalin-amin!+
No la koma insurat ti mangak-akusar kaniak dagiti ipabpabasolna!
36 Ibaklayko dayta,Ibedbedko dayta iti ulok a kas korona.
37 Ibagak kenkuana ti amin nga inaramidko;Kas iti prinsipe, naturedak nga umasideg kenkuana.
38 No ireklamonak ti dagakKen agsangit ti taltalonko;
39 No kinnanko ti apitna a diak man la binayadan,+Wenno pinagsennaayko dagiti makinkukua* iti dayta,+
40 Sisiit koma ti agtubo para kaniak imbes a trigoKen nabangsit a ruot imbes a sebada.”
Ditoy a nagleppas dagiti imbaga ni Job.
Footnotes
^ Wenno mabalin a, “nakikadua kadagiti naulbod?”
^ Wenno “maparut koma dagiti kaputotak.”
^ Lit., “agparintumeng koma kenkuana dagiti sabali a lallaki.”
^ Lit., “mangkaan (manglamut) agingga a madadael.”
^ Wenno “Parutenna.”
^ Wenno “darumda.”
^ Lit., “tumakder.”
^ Lit., “iti aanakan.”
^ Lit., “pinakapuyko dagiti mata ti balo a babai.”
^ Lit., “manipud iti aanakan ni inak.”
^ Wenno mabalin nga, “Idi nakitak nga adda maitulongko idiay ruangan ti siudad.”
^ Wenno “susuop; makinngato a tulang.”
^ Lit., “silaw.”
^ Wenno “kararuana.”
^ Lit., “karne.”
^ Wenno “ganggannaet a residente.”
^ Wenno “Daytoy ti pirmak.”
^ Wenno “kararua dagiti makinkukua.”
