Ti Kanta ni Solomon 2:1-17
2 “Maysaak laeng a safron iti igid ti baybay,Maysa a lirio iti tanap.”+
2 “Kas lirio iti tengnga dagiti siitan a mulaTi kayarigan ti ay-ayatek iti tengnga ti annak a babbai.”
3 “Kas iti kayo a mansanas iti tengnga dagiti kayo iti bakir,Kasta ti patpatgek iti tengnga ti annak a lallaki.
Tartarigagayak ti agtugaw iti linongna,Ken nasam-it ti panagramanko iti bungana.
4 Impannak iti balay ti ragragsak,*Ken ayat ti banderana nga adda iti ngatuek.
5 Ikkannak iti pasas+ ken mansanasTapno mabang-aran ken pumigsaak,Ta agkakapsutak gapu ken ayat.
6 Adda iti baba ti ulok ti kannigid nga imana,Ket ar-arakupennak ti kannawan nga imana.+
7 Pagsapataenkayo, O annak a babbai ti Jerusalem,Babaen kadagiti gasela+ ken kabaian nga ugsa iti tanap:
Diyo riingen wenno piliten ti riknak nga agayat no diak pay kayat.+
8 Mangmangngegko ti timek ti patpatgek!
Um-umayen,Sumangsang-at iti bambantay ken aglagtolagto kadagiti turod.
9 Ti patpatgek ket kas iti gasela, kas iti urbon a kalakian nga ugsa.+
Agtaktakder iti likudan ti padertayo,A tumantan-aw iti tawaKen sumirsirip iti rehas ti tawa.
10 Kinuna kaniak ti patpatgek:
‘Tumakderka, O ay-ayatek a napintas,Ket sumurotka kaniak.
11 Nalpasen ti tiempo ti lam-ek.*
Nagpatinggan dagiti tudo.
12 Nagparangen dagiti sabong iti daga,+Tiempon ti panagarbas iti ubas,+Ket mangngegen ti kanta ti pagaw iti dagatayo.+
13 Naluomen ti umuna a bungbunga ti kayo a higos;+Agsabsabongen dagiti puon ti ubas ken maangoten ti bangloda.
Tumakderka, O ay-ayatek a napintas,
Umayka ket sumurotka kaniak.
14 O kalapatik, iti nalemmeng a paset ti dakkel a bato,+Iti nagbabaetan ti rangkis,Kitaek man ti langam ken denggek ti timekmo,+Ta makaay-ayo ti timekmo ken napintas ti langam.’”+
15 “Tiliwenyo dagiti sora para kadakami,Dagiti babassit a sora a mangdaddadael kadagiti kaubasan,Ta agsabsabongen dagiti kaubasanmi.”
16 “Kukuak ti patpatgek ket kukuanak met.+
Agpaspastor+ iti tengnga dagiti lirio.+
17 Agingga a lumamiis ti pul-oy ti aldaw* ken agpukaw dagiti anniniwan,Darasem ti agsubli, O patpatgek,Kas iti gasela+ wenno urbon a kalakian nga ugsa+ a lumasat iti bambantay iti nagbaetanta.*
Footnotes
^ Lit., “balay ti arak.”
^ Wenno “panagtutudo.”
^ Lit., “nga aganges ti aldaw.”
^ Wenno mabalin a, “nagiwangan a bambantay.” Wenno “bambantay ti Bether.”
