Saan a maikkat a dagus ti marikriknatayo a panangidumduma. Mayarig dayta iti virus nga agkasapulan iti panawen ken panangikagumaan tapno mapatay. Ania ti aramidem tapno maikkatmo ti panangidumduma?

“Ikawesyo ti ayat, ta dayta ket perpekto a singgalut ti panagkaykaysa.”​—COLOSAS 3:14.

Ania ti kaipapananna? Suminged dagiti tattao iti maysa ken maysa no agaramidda iti nasayaat. No ad-adda nga ipakitam ti ayat iti sabsabali, maksayan ti panangidumdumam. No punnuem ti pusom iti ayat, awanen ti paglugaran ti gura.

No negatibo idi ti panangmatmatmo kadagiti tattao iti maysa a grupo, mangpanunotka iti espesipiko a pamay-an a maipakitam ti ayatmo kadakuada, uray babassit a banag laeng. Padasem ti maysa wenno ad-adu pay kadagitoy:

• Ipakitaam ida iti kinaimbag babaen ti panangilukatmo iti ridaw wenno itedmo ti tugawmo kadakuada kadagiti pangpubliko a transportasion.

• Makisaritaka kadakuada uray marigatanda nga agsao iti lengguahem.

• Pagpasensiaam ida no saanmo a maawatan ti ar-aramidenda.

• Dumngegka a naimbag no agiyebkasda iti problemada.