Ammoyo Kadi?
Ammoyo Kadi?
(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 24 ti kompleto a listaan dagiti sungbat. Para iti kanayonan nga impormasion, kitaenyo ti publikasion nga “Insight on the Scriptures,” nga impablaak dagiti Saksi ni Jehova.)
1. Apay nga imbaga ti manangummong a “ti tinallo a tali saan a nadaras a mapugsat a magudua”? (Eclesiastes 4:12)
2. Iti Mosaiko a Linteg, ania ti dua a kalidad dagiti animal a naipalubos a masida? (Deuteronomio 14:6)
3. Siasino ti ama ni Josue? (Josue 1:1)
4. Ania ti inaramid ni Satanas idi impalubos ni Jehova a pagsakitenna ni Job? (Job 2:7)
5. Siasino ti nangibaga ken ni Ari Asuero maipapan iti 50 a kasiko a kayo nga inaramid ni Haman para ken ni Mardokeo, isu a natignay ti ari nga ipabitay ni Haman iti dayta? (Ester 7:9)
6. Ania ti imbaga ni Jesus a pakailasinan dagiti ulbod a mammadto? (Mateo 7:15, 16)
7. Ania a titulo ni Jehova, a mangipagpaganetget iti akemna kas ti nadayag ken mararaem nga Ukom iti amin, ti masarakan laeng iti libro a Daniel? (Daniel 7:22)
8. Ania nga agkakangina nga alikamen a karga ti bunggoy dagiti barko ti Tarsis a kukua ni Ari Solomon ti inyegda kenkuana iti maminsan iti tunggal tallo a tawen a panagdaliasatda? (1 Ar-ari 10:22)
9. Siasino ti kadua ni Aaron a nangantabay iti ima ni Moises agingga a pinagballigi ni Jehova ti Israel idi nakidangadangda kadagiti Amalekita? (Exodo 17:12)
10. Kasano nga inkeddeng dagiti adalan no siasino ti sumukat iti puesto ni Judas Iscariote? (Aramid 1:23-26)
11. Siasino ti nangato a padi ti Israel idi nagbalin ni Samuel a propeta? (1 Samuel 3:1)
12. Idi naipasdek ti kinapadi iti Israel, ania ti tallo a paset ti bagi da Aaron ken dagiti annakna ti nangikabilan ni Moises iti dara? (Levitico 8:23, 24)
13. Imbes nga inaramidna ni Eva a naiduma a parsua manipud iti tapuk ti daga, manipud iti ania ti nangbuklan ti Dios kenkuana? (Genesis 2:21, 22)
14. Ania ti imbaga ni Pablo a “ramut dagiti amin a kita ti makadangran a bambanag”? (1 Timoteo 6:10)
15. Kas impakita dagiti Kasuratan, kasano kalawa ti mabalin nga araduen ti sangaparis a toro iti agmalem? (1 Samuel 14:14)
Dagiti Sungbat iti Pannubok
1. Tapno ipaganetgetna a dagidiay sangsangkatunos nga agtrabaho ken maymaysa ti panggepda ket nabilbileg ken nalalaingda a mangrisut kadagiti parikut
2. Nagpisi ti kukoda ken agngatingatda
3. Nun
4. “Kinabilna ni Job iti naut-ot a busali manipud iti dapan ti sakana agingga iti kuppokuppona”
5. Ni Harbona, maysa kadagiti opisial ti palasio
6. “Babaen kadagiti bungada”
7. “Kadaanan iti Al-aldaw”
8. Balitok, pirak, marfil, bakes, ken paboreal
9. Hur
10. Nagkararag ken nagbibinnunotda
11. Eli
12. Makannawan a lapayag, tangan ti makannawan nga ima, ken tangan ti makannawan a saka
13. Innalana ti maysa a paragpag ni Adan
14. “Ti ayat iti kuarta”
15. Maysa nga acre