Ammoyo Kadi?

(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 22 ti kompleto a listaan dagiti sungbat. Para iti kanayonan nga impormasion, kitaenyo ti publikasion nga “Insight on the Scriptures,” nga impablaak dagiti Saksi ni Jehova.)

1. Siasino ti gimmatang iti kueba ti Macpela manipud ken Efron a Heteo tapno pagitaneman, ket mano ti nadakamat a naitanem sadiay? (Genesis 49:30-33; 50:13)

2. Idi makigubgubatda kadagiti Filisteo, apay nga impapilit dagiti tattao ni David a dina ida kaduaenen a makigubat? (2 Samuel 21:15-17)

3. Ania ti nabanglo a bassit a kayo ti nadakamat laeng iti Kanta ni Solomon? (Kanta ni Solomon 1:14; 4:13; 7:11)

4. Ania ti inusar ni Gideon tapno masiguradona a tungpalen ni Jehova ti inkarina a pannakaispal ti Israel babaen kenkuana? (Uk-ukom 6:36-40)

5. Ania ti nayawag iti dakkel a gambang a basehas nga inusar ti papadi a pagbugguanda iti paraangan ti templo ni Solomon? (2 Cronicas 4:6)

6. Ania ti kadakkelan a timbangan ken kanginaan ti balorna a kuarta dagiti Hebreo? (Esdras 8:26)

7. Ania ti bimtak idiay langit kalpasan ti pannakaipasngay ti Pagarian? (Apocalipsis 12:7)

8. Ania ti imbaga ni Jesus a nalaklaka a lumsotan ti maysa a kamelio ngem “iti maysa a nabaknang a tao a sumrek iti pagarian ti Dios”? (Mateo 19:24)

9. Gapu ta allilawenda dagiti tattao babaen kadagiti palso a sursuro, ania ti inyawag ni Jesus kadagiti eskriba ken Fariseo? (Mateo 15:14)

10. Siasino nga ari ti Siria ti nangpapanaw kadagiti Judio manipud iti siudad ti Elat sadi Juda, isu a nabutngan ni Ari Ahaz tapno agpatulong iti Asiria? (2 Ar-ari 16:6, 7)

11. Siasino nga asawa ni Ari David ti nangipasngay kenkuana iti anak a lalaki a napanaganan iti Itream? (2 Samuel 3:5)

12. Idi nagbaon ni Jose iti adipen a mangkamat kadagiti kakabsatna ken paisublina ti napukaw a kopana, nakasarakanna iti dayta? (Genesis 44:12)

13. Siasino ti pinatay ni Jehova a kapuonan ni Caleb, a nadeskribir kas nagubsang, dakes, awan kaes-eskanna, ken nakuneng? (1 Samuel 25:3, 17, 25, 36-38)

14. Ania ti gagangay nga igam dagiti Hebreo nga inusar ni Finehas tapno salputenna agpadpada da Zimri ken Cozbi, isu a simmardeng ti pannusa a nakatayan ti 24,000 nga Israelita iti Tanap ti Moab? (Numeros 25:6-15)

15. Ania ti uppat a banag a nakaskasdaaw unay ken Agur? (Proverbio 30:18, 19)

16. Ania ti nausar idiay Biblia a mangisimbolo iti autoridad dagiti nagannak kadagiti annakda? (Proverbio 29:15)

17. Ania a remienta a pagtalon ti inusar dagiti Israelita tapno maikkat dagiti ruot? (Isaias 7:25)

Dagiti Sungbat iti Pannubok

1. Ni Abraham. Innem a tattao: Da Sara, Abraham, Isaac, Rebecca, Jacob, ken Lea

2. Agsipud ta nabannogen ken agpegpeggad a papatayen ni Isbi-benob, maysa a higante a Filisteo

3. Hena

4. Dutdot a delana

5. “Ti baybay”

6. Ti talento

7. Gubat

8. “Abut ti dagum”

9. “Dagiti bulsek a mangidaldalan”

10. Rezin

11. Egla

12. “Iti supot ni Benjamin”

13. Ni Nabal

14. Maysa a gayang

15. “Ti dalan ti agila iti langlangit, ti dalan ti serpiente iti maysa a bato, ti dalan ti barko iti puso ti baybay ken ti dalan ti nabaneg a lalaki iti maysa a balasang”

16. Ti pagbaut

17. Ti gabion