“Ti kumarkaro a kasasaad ti paniempo ket mangpatpataud iti adu a problema kadagiti tattao, siudad, mula ken animal, ken iti aglawlawda. Dagiti napipigsa a bagyo, a pakpakaruen pay ti panagbalbaliw ti klima, daddadaelenda dagiti balay ken trabaho dagiti tattao iti intero a lubong. Bumarbara ti taaw isu a mabalin a mapukaw ti adu a kita ti parsua nga aggigian iti dayta.”—Inger Andersen, under-secretary-general ti United Nations ken executive director ti UN Environment Programme, Hulio 25, 2023.

 Makapagtitinnulong kadi dagiti gobierno a mangsolbar kadagitoy a problema iti aglawlawtayo? Makaipaayda kadi iti permanente a solusion kadagitoy a problema?

 Ibagbaga ti Biblia ti maipapan iti maysa a gobierno a makasolbar iti amin a problema iti planetatayo. Kunana a “mangipasdekto ti Dios ti langit iti maysa a pagarian,” maysa a gobierno a mangituray iti intero a daga ken mangsolbar kadagitoy a problema. (Daniel 2:44) Iti panangituray dayta a gobierno, dagiti tattao ‘saandanto a pulos dangran’ ti padada a tao wenno ‘dadaelen’ ti daga.—Isaias 11:9.