Iti adu a nasion, iprotprotesta dagiti tattao kadagiti kalsada dagiti ibilangda a saan a patas a mapaspasamak gapu iti ekonomia. Pinakaro pay dagita ti COVID-19 pandemic. Gapu iti lockdown, kurang a suplay, ken limitado a medikal a serbisio, mas nakadkadlawen ti nagdakkel a nagdumaan ti baknang ken pobre isu a lalo nga aglalaban dagiti tattao.

 Maawanto kadi dagiti problema iti ekonomia a mangparparigat kadagiti tattao? Wen. Ibaga ti Biblia ti aramidento ti Dios tapno solusionanna dagiti problematayo ita.

Dagiti problema iti ekonomia a solusionanto ti Dios

 Problema: Saan a nakaaramid dagiti tattao iti sistema ti ekonomia a makaited iti kasapulan ti amin.

 Problema: Saan a malisian dagiti tattao dagiti pasamak nga agresulta iti panagrigatda ken saandan a mapaadda dagiti kasapulanda.

 Problema: Masansan a maag-agrabiado ti dadduma gapu kadagiti tattao a bagida laeng ti pampanunotenda ken naagum.

 Solusion: Masursuronto dagiti iturayan ti Pagarian ti Dios nga ayaten nga umuna ti sabsabali ngem iti bagida.—Mateo 22:37-39.

 Resulta: Iti panangituray ti Pagarian ti Dios, ipakitanto ti amin ti nadiosan nga ayat, a “saanna a sapulen ti bukodna a pagimbagan.” (1 Corinto 13:4, 5) Ibaga ti Biblia: “Saandanto a pulos mangdangran wenno mangdadael iti intero a nasantuan a bantayko, ta sigurado a mapnonto ti daga iti pannakaammo maipapan ken Jehova a kas iti pannakapunno ti baybay iti danum.”—Isaias 11:9.

 Ipakita ti Biblia nga agbibiagtayon iti maudi nga al-aldaw daytoy a sistema ti bambanag ken asidegen a tungpalen ti Dios ti karina a pagpatinggaenna ti amin a problema iti ekonomia. b (Salmo 12:5) Bayat a saan pay a napasamak dayta, makatulong dagiti prinsipio ti Biblia tapno kayam a sanguen ti kinarigat ti ekonomia ita. Kas pagarigan, kitaem dagiti artikulo a “No Kasano a Mayan-anay ti Bassit a Kuarta” ken “Ti Umiso a Lugar ti Kuarta iti Biagmo.”