Kanayon a nagmatalek ni Samuel ken Jehova iti intero a panagbiagna. Idi ubing, saanna a tinulad ti dakes nga ar-aramiden dagiti annak ni Eli, da Hofni ken Finehas. (1Sa 2:22-26) Idi dumakdakkel ni Samuel, supsuportaran ni Jehova. (1Sa 3:19) Idi lakayen, matalek latta ken Jehova uray no saan a nagtultuloy a nagserbi dagiti annakna.—1Sa 8:1-5.

Ania ti masursurotayo ken Samuel? No agtutuboka pay, agtalekka a maawatan ni Jehova dagiti pakaipaspasanguam ken ti marikriknam. Tulongannaka nga agbalin a natured. (Isa 41:10, 13) No maysaka a nagannak ket pinanawan ti anakmo ti kinapudno, laglagipem a saan a pinilit ni Samuel dagiti annakna nga agtultuloy a surotenda dagiti linteg ni Jehova. Impabiangna ti amin ken Jehova, nagtultuloy nga awan pagkuranganna ken naparagsakna ti nailangitan nga Amana, ni Jehova. Mabalin a matignay ti anakmo nga agsubli ken Jehova no makitana ti nasayaat nga ulidam.

BUYAEN TI VIDEO NGA AGSURSUROKAYO KADAKUADA​—SAMUEL SA SUNGBATAN DAGITOY:

• Kasano nga impakita ni Samuel ti tured idi ubing pay?

• Kasano nga impakita ni Danny ti tured?

• Ania ti nagsayaat nga ulidan ni Samuel idi lakayen?

• Ania ti nagsayaat nga ulidan dagiti nagannak ni Danny?