Pammati ti kasapulan no umakarka iti baro a lugar tapno palawaem ti ministeriom. (Heb 11:8-10) No pampanunotem ti umakar iti lugar nga addaan dakdakkel a panagkasapulan, makisaritaka kadagiti panglakayenyo. Ania dagiti praktikal a banag a mabalinmo nga aramiden tapno makuentam ti magastos ken makapilika iti lugar? Kitaem no ania ti ibagbaga dagiti publikasiontayo maipapan iti panagserbi iti lugar nga addaan iti dakdakkel a panagkasapulan. Makisaritaka kadagiti naballigi nga immakar tapno tumulong iti sabali a kongregasion. (Pr 15:22) Agpaiwanwanka ken Jehova babaen ti kararag. (San 1:5) Ag-research-ka maipapan iti aniaman a lugar a pampanunotem, ken no posible, bisitaem dayta iti sumagmamano nga aldaw sakbay nga agdesisionka.

BUYAEN TI VIDEO A NAPNUAN PAMMATI A SUMREK ITI RUANGAN TI AD-ADU PAY NGA AKTIBIDAD—UMAKAR ITI LUGAR NGA ADDAAN DAKDAKKEL A PANAGKASAPULAN, SA SUNGBATAN DAYTOY:

• Ania dagiti panagbalbaliw a masapul nga aramiden ni Gabriel, ken ania ti nakatulong kenkuana?