Ibagbagada a ti gayyem ket “maysa a nadekket iti sabali a tao gapu ta ay-ayaten wenno ipatpategna dayta a tao.” Kas pagarigan, nangrugi ti di agkupas a panaggayyem da Jonatan ken David idi napatay ni David ni Goliat. (1Sm 18:1) Kaykayatda dagiti kababalin ti tunggal maysa. Isu a masapul nga am-ammom ti gayyemmo tapno natibker ti panaggayyemyo, ket kasapulan ti panawen ken panangikagumaan tapno maaramidmo dayta. Ngem iti social media, maysa laeng a click, adda “friend-mon.” Iti online, mabalin nga iplano dagiti tattao ti ibagada ken mapilida ti kayat a maammuan ti dadduma maipapan kadakuada, isu a nalakada laeng nga ilimed ti agpaypayso a kinataoda. Piliem ngarud a naimbag dagiti friend-mo online. Saanka a mabuteng a mangi-reject kadagiti friend request no talaga a dim am-ammo gapu laeng ta baka masaktam ti riknada. Adda dagiti saan a nangaramid kadagiti social media account-da tapno maliklikanda dagiti posible a peggad. Ngem no adda account-mo, ania ti masapul a tandaanam?

BUYAEN TI VIDEO NGA AGANNADKA NO AGUSARKA ITI SOCIAL NETWORK, SA SUNGBATAN DAGITOY:

• Ania ti masapul a panunotem sakbayka nga ag-comment ken agi-post kadagiti piktiur?

• Apay a masapul nga agannadka no agpilika kadagiti friend-mo online?

• Apay a masapul a limitaram ti orasmo iti social media?​—Efe 5:15, 16