No napanglawtayo, mabalin a masulisogtayo nga agkompromiso a pakadadaelan ti espiritualidadtayo. Kas pagarigan, mabalin nga adda oportunidadtayo nga agbirok iti ad-adu a kuarta ngem maisakripisiotayo met ti panagserbitayo ken Jehova. Makatulong kadatayo ti panangutob iti Hebreo 13:5.

“Iti panagbiagyo, saanyo nga ayaten ti kuarta”

• Ikararagmo ken panunotem a naimbag no kasano kaimportante kenka ti kuarta, ken panunotem no ania nga ulidan ti ipakpakitam kadagiti annakmo.​—g 9/15 6.

“No di ket kontentokayo koman kadagiti agdama a bambanag”

• Balbaliwam ti kapanunotam no ania a talaga ti ibilangmo a kasapulanyo.​—w16.07 7 ¶1-2.

“Saankanto a pulos panawan ken saankanto a pulos baybay-an”

• Agtalekka a tulongannaka ni Jehova a maaddaan kadagiti kasapulam iti biag no itultuloymo nga iyun-una ti Pagarian.​—w14 4/15 21 ¶17.

BUYAEN TI VIDEO A TAGTAGIRAGSAKEN DAGITI KAKABSATTAYO TI TALNA ITI LAKSID TI PROBLEMA ITI KUARTA, SA SUNGBATAN DAYTOY:

Ania ti nasursurom iti kapadasan ni Miguel Novoa?