PANAGBIAG KAS KRISTIANO
Tulonganyo Dagiti Annakyo a Maaddaan iti Natibker a Pammati iti Namarsua
Idekdeklara ti nakaparsuaan ti dayag ni Jehova. (Sal 19:1-4; 139:14) Ngem isursuro ti lubong ti Diablo dagiti mangibabain iti Dios a teoria maipapan iti nangrugian ti biag. (Ro 1:18-25) Kasano a malapdanyo a rumamut dagita nga ideya iti isip ken puso dagiti annakyo? Tulonganyo ida bayat nga ubbingda pay a mamati nga agpaypayso ni Jehova ken ipatpategna ida kas indibidual. (2Co 10:4, 5; Efe 6:16) Ammuenyo no ania a talaga ti kapanunotanda kadagiti maisursuro idiay eskuelaanda ken usarenyo ti adu nga alikamen a makatulong a mangdanon iti pusoda.—Pr 20:5; San 1:19.
BUYAENYO TI VIDEO A TI KUNA DAGITI PADAM NGA AGTUTUBO—PANAMATI ITI DIOS, SA PAGSASARITAANYO DAGITOY A SALUDSOD:
Ania dagiti gagangay a kamali a kapanunotan maipapan iti panamati iti Dios?
Ania ti maisursuro idiay eskuelaanyo?
Ania ti nakakombinsiram nga agpaypayso ni Jehova?
Kasano a matulongam ti dadduma a makaited iti makakombinsir a rason a pinarsua ti Dios ti amin a bambanag?
Baka Kayatmo Met ti
SALUDSOD DAGITI AGTUTUBO
Panamarsua Wenno Ebolusion?—Paset 1: Apay a Mamati iti Dios?
Kayatmo kadi a napigpigsa ti pakinakemmo a mangilawlawag no apay a mamatika iti Dios? Ammuem dagiti maisingasing nga isungbatmo no adda mangkuestion iti patpatiem.
