Tapno kanayon a nalaing ti maysa nga atleta, masapul nga itultuloyna a sanayen dagiti maselna. Kasta met, masapul nga itultuloytayo a sanayen ken pagtalinaeden ti abilidadtayo a mangilasin. (Heb 5:14) Mabalin nga adda tendensiatayo a mangtulad iti desision ti dadduma, ngem masapul nga usarentayo ti abilidadtayo nga agpanunot ken agdesision para iti bagitayo. Apay? Sungsungbatantayo dagiti bukodtayo a desision.​—Ro 14:12.

Saantayo koma a panunoten a nasayaat dagiti desisiontayo gapu ta nabayagtayon a bautisado. Tapno nasayaat dagiti desisiontayo, masapul a naan-anay nga agpannuraytayo ken Jehova, iti Saona, ken iti organisasionna.​—Jos 1:7, 8; Pr 3:5, 6; Mt 24:45.

BUYAEN TI VIDEO A “SALIMETMETANYO TI NAIMBAG A KONSIENSIA,” SA SUNGBATAN DAGITOY:

• Ania a panagdesision ti nakaipasanguan ni Emma?

• Apay a saantayo koma nga ibagbaga dagiti opiniontayo no maipapan kadagiti banag nga agdepende iti konsiensia?

• Ania ti nasayaat nga imbalakad ti agassawa ken Emma?

• Nakasarakan ni Emma kadagiti makatulong nga impormasion para iti situasionna?