NADISENIO KADI?
Ti Suction Disc iti Ulo ti Remora
Ti remora ket maysa a kita ti ikan a kayana ti dumket iti dadduma a parsua iti baybay. Nalakana met la a maikkat ti bagina iti kimpetanna ngem saan a masaktan ti dimketanna a parsua. Interesado dagiti researcher iti dayta nga abilidad ti remora.
Panunotem: Dumket ti remora kadagiti parsua a kas kadagiti pagi, pating, pag-ong, balyena, ken dadduma pay a parsua iti baybay, kasanoman kalamuyot wenno kakersang ti kudil wenno shell dagita. Kanenna dagiti parasito ken tedtedda iti kinnan ti kimpetanna a parsua—dandani dinan kasapulan ti aglangoy ken maprotprotektaran pay kadagiti mayat a mangkaan iti dayta. Inadal dagiti researcher ti suction disc iti ulo ti remora tapno makitada no apay a makakapet a naimbag dayta kasanoman kalamuyot wenno kakersang ti kimpetanna.
Dagiti remora a sumursurot iti butanding wenno whale shark
Makita ti oval a suction disc ti remora iti rabaw ti ulona. Nalukneng ken napuskol ti pannakangarab ti disc isu a kumpet dayta a naimbag. Iti uneg ti disc, adda dagiti naintar a flap nga addaan kadagiti pino ken nasikkil nga spine. No nakatakder dagiti flap, kumpet dagiti spine iti kudil ti parsua iti baybay a kumpetanna isu a tumaud ti friction. Gapu iti suction ken friction, makakapet a naimbag ti remora kasanoman kapartak ti panaglangoy ti kimpetanna a parsua wenno bigla man nga agbaliw ti direksion dayta.
Bilib dagiti sientista iti nakapet a disc ti remora, isu a nagaramidda iti device a kas iti dayta. Dayta nga oval a device ket makakapet iti nadumaduma a banag. Idi pinadas dagiti researcher a guyoden dayta, saan a naikkat uray no ti puersa nga inusarda ket ginasut a daras a nadagdagsen ngem iti disc!
Adu ti posible a pakausaran ti teknolohia a natulad iti suction disc ti remora. Karaman kadagita dagiti research tag para kadagiti parsua iti baybay ken ti panagadal kadagiti adalem a paset ti taaw. Mausar met dayta tapno maikabit dagiti silaw wenno alikamen iti sirok ti rangtay wenno barko.
Panagkunam? Ti kadi suction disc iti ulo ti remora ket produkto ti ebolusion? Wenno adda nangdisenio iti dayta?
Baka Kayatmo Met ti
NADISENIO KADI?
Ti Pangsagat ti Pagi—Nadisenio Kadi?
Kasano a sagaten ti pagi dagiti plankton a babbabassit pay ngem iti kalawa ti abut dagiti pangsagatna?
LIBRO KEN BROSHUR
Naparsua Kadi ti Biag?
Napateg no ania ti patpatiem maipapan iti nangrugian ti biag.
NADISENIO KADI?
Ti Pigket ti Barnacle
Ti pigket dagiti barnacle ket adayo a nakapkapet ngem kadagiti sintetiko a pigket. Ngem kasano a makakapet dagiti barnacle iti nabasa a disso?
AGRIINGKAYO!
Ti Pagkapet ti Tahong
Kumpet a naimbag ti tahong babaen iti byssus thread. Makatulong ti panangadal iti dayta tapno makabirok kadagiti baro ken mas epektibo a pamay-an iti panangikapet kadagiti alikamen kadagiti patakder, wenno kadagiti pennet iti tultulang.