“Nagmayat ti panagpasiarmi idiay Bethel. Diminto pulos malipatan dayta.” Kasta ti kinuna ti agassawa a naggapu idiay Vanuatu kalpasan ti panagpasiarda kadagiti pasilidad dagiti Saksi ni Jehova iti United States. Kasta met laeng ti marikrikna ti adu kadagiti pinullo a ribu a tattao nga agpaspasiar sadiay iti kada tawen.

Napadasanyo met kadin ti nagpasiar kadagiti pasilidad ti Bethel iti United States? No saan pay, awisendakayo nga agpasiar.

Sangalubongan a Hedkuarter, Warwick, New York. Pasiarem ti tallo nga exhibit a saan a kasapulan ti tour guide. Ti maysa kadagita ket “The Bible and the Divine Name.” Makita dita ti manmanon a masarakanen a Biblia a pakakitaan no kasano a napreserba ti nagan ti Dios iti Biblia. Makita met iti exhibit nga “A People for Jehovah’s Name” ti pakasaritaan dagiti Saksi ni Jehova. Mailawlawag met iti “World Headquarters—Faith in Action” no kasano ti pannakaurnos ti panaggigimong, panangyadal iti Biblia, ken panangasaba dagiti Saksi ni Jehova kadagiti tattao, ken no kasano nga aggiinnayatda. Mabalimo met ti agpasiar iti 20 a minuto nga adda kaduam a tour guide iti Offices/Services Building ken aglawlaw ti opisinami iti Warwick.

Watchtower Educational Center, Patterson, New York. Ammuenyo ti maipapan kadagiti eskuelaan sadiay kas iti Watchtower Bible School of Gilead ken School for Branch Committee Members and Their Wives. Adda met dagiti video ken displey a mangipakita kadagiti trabaho a maar-aramid iti opisina, kas iti Art, Audio/Video Services

Panagimprenta ken Panangitulod iti Literatura, Wallkill, New York. Makitayo no kasano a mayimprenta, ma-bind, ken maitulod dagiti Biblia ken naibasar-Biblia a literatura kadagiti kongregasion iti United States, isla iti Caribbean, ken dadduma pay a paset ti lubong.

Sakbay nga agbiahekayo, pangngaasiyo ta i-submit-yo ti ipareserbayo a tour iti page nga Opisina ken Impormasion iti Panagpasiar iti website-mi. Makita dita ti kanayonan nga impormasion maipapan kadagiti opisinami iti United States Bethel, a pakairamanan ti lokasion ken kapaut ti kada tour.

Dagidiay agtrabtrabaho iti nadumaduma a departamento iti Bethel. Ibilangda dayta a paset dagiti panangikagumaanda a mangsuporta iti sangalubongan a trabahomi a panangisuro. Adu a lengguahe ti pagpilian iti panag-tour.

Libre.

Saan. Saan a Saksi ti adu kadagiti agpaspasiar. Agpada a maammuan dagiti Saksi ken saan a Saksi ti maipapan kadagiti organisado a panangikagumaan a mangsuportar iti sangalubongan a trabaho dagiti Saksi ni Jehova.

Adda Muslim a babai a taga-India a nagpasiar idiay Patterson. Kalpasan ti panagpasiarna, kinunana: “Mabalinko la koma ti makiraman iti daytoy a trabaho. Pagyamanan unay iti dakkel a respetoyo kaniak.”

Wen! Posible a nasayaat ti epekto kadagiti ubbing ti kasta a panagpasiar. Insurat ni John a taga-United States maipapan iti panagpasiarna: “Uray idi nakaawidkamin, pagsasaritaan pay laeng dagiti ubbing iti grupomi ti panag-tour-da. Idi saanda pay a nakapag-tour, dida ammo no ania dagiti trabaho idiay Bethel. Ngem ita, kayatdan ti agbalin a Bethelite.”

Wen. Mabalin ti ag-tour kadagiti pasilidadmi iti adu a pagilian. Tapno makitam ti adres dagita a pasilidad, luktam ti Opisina ken Impormasion iti Panagpasiar iti jw.org/ilo. Maragsakankami a mangawis kenka nga agpasiar iti maysa kadagiti sanga nga opisina dagiti Saksi ni Jehova.