ÞÚ ÁTT frí úr vinnu og býrð þig undir að fara út að boða fagnaðarerindið snemma dags. Þér finnst þú vera hálflúinn og hikar um stund. Það væri nú ekki amalegt að eiga rólegan morgun heima. En þú ferð með bæn til Jehóva og ákveður að fara út. Þú starfar með roskinni systur. Þrautseigja hennar og hlýja er hvetjandi fyrir þig. Meðan þið berið boðskap sannleikans hús úr húsi verður þér hugsað til þess að trúsystkini þín út um allan heim flytja fólki sama boðskapinn, nota sömu ritin og njóta öll góðs af sömu fræðslunni. Þú ert miklu hressari þegar þú kemur heim en þegar þú lagðir af stað. Mikið var gott að þú skyldir drífa þig út.

Boðunin er helsta verkefni Guðsríkis núna. Jesús sagði fyrir að hún yrði gríðarlega umfangsmikil á síðustu dögum. (Matt. 24:14) Hvernig hefur spádómur hans ræst? Í þessum hluta bókarinnar kynnum við okkur fólkið, aðferðirnar og verkfærin sem hafa skipt miklu máli við boðunina og vakið milljónir manna um allan heim til vitundar um að ríki Guðs sé raunverulegt.