Fjórða Mósebók 23:1–30
23 Þá sagði Bíleam við Balak: „Reistu hér sjö ölturu+ og hafðu til sjö naut og sjö hrúta handa mér.“
2 Balak gerði umsvifalaust eins og Bíleam bað hann um. Og Balak og Bíleam fórnuðu nauti og hrút á hverju altari.+
3 Bíleam sagði síðan við Balak: „Bíddu hér hjá brennifórn þinni meðan ég skrepp frá. Kannski talar Jehóva við mig. Ég skal segja þér allt sem hann opinberar mér.“ Hann gekk síðan upp á gróðurlausa hæð.
4 Guð birtist Bíleam+ og Bíleam sagði við hann: „Ég setti upp sjö ölturu í röðum og fórnaði nauti og hrút á hverju þeirra.“
5 Jehóva lagði þá Bíleam orð í munn+ og sagði síðan við hann: „Farðu aftur til Balaks og segðu honum þetta.“
6 Hann sneri þá aftur og sá að Balak og allir höfðingjar Móabs stóðu hjá brennifórninni.
7 Bíleam flutti nú þennan ljóðræna boðskap:+
„Balak Móabskonungur sótti mig til Aram,+til fjallanna í austri:
‚Komdu og bölvaðu Jakobi fyrir mig,já, komdu og fordæmdu Ísrael.‘+
8 Hvernig gæti ég bölvað þeim sem Guð hefur ekki bölvað?
Og hvernig gæti ég fordæmt þá sem Jehóva hefur ekki fordæmt?+
9 Ég sé þá ofan af klettunumog ég sé þá af hæðunum.
Þjóð sem býr út af fyrir sig,+hún telur sig ekki með hinum þjóðunum.+
10 Hver getur talið rykkorn Jakobs+eða kastað tölu á fjórðung Ísraels?
Láttu mig* deyja dauða hinna ráðvönduog láttu endalok mín verða eins og þeirra.“
11 Þá sagði Balak við Bíleam: „Hvað hefurðu gert mér? Ég sótti þig til að leggja bölvun á óvini mína en þú gerir ekki annað en að blessa þá.“+
12 Hann svaraði: „Á ég ekki að segja það sem Jehóva leggur mér í munn?“+
13 Balak sagði: „Komdu með mér á annan stað þar sem þú getur séð þá. Þú munt ekki sjá þá alla heldur aðeins hluta þeirra. Þaðan geturðu bölvað þeim fyrir mig.“+
14 Hann fór síðan með Bíleam upp á Sófímvöll á Pisgatindi,+ reisti sjö ölturu og fórnaði nauti og hrút á hverju þeirra.+
15 Bíleam sagði nú við Balak: „Bíddu hérna hjá brennifórn þinni meðan ég fer þangað og tala við Guð.“
16 Jehóva birtist Bíleam, lagði honum orð í munn og sagði síðan við hann:+ „Farðu aftur til Balaks og segðu honum þetta.“
17 Hann fór þá til hans og sá að hann beið hjá brennifórninni og höfðingjar Móabs voru hjá honum. Balak spurði hann: „Hvað sagði Jehóva?“
18 Bíleam flutti þá þennan ljóðræna boðskap:+
„Stattu upp, Balak, og hlustaðu,hlýddu á mig, sonur Sippórs.
19 Guð er ekki maður sem lýgur+eða mannssonur sem skiptir um skoðun.*+
Gerir hann ekki það sem hann segir?
Framkvæmir hann ekki það sem hann talar um?+
20 Það var hlutverk mitt að blessa.
Nú hefur hann blessað+ og ég get ekki breytt því.+
21 Hann umber engin dulræn öfl gegn Jakobiog hann leyfir ekki að neitt illt komi yfir Ísrael.
Jehóva Guð þeirra er með þeim+og hann er hylltur sem konungur meðal þeirra.
22 Guð leiðir þá út úr Egyptalandi.+
Hann er þeim eins og horn villinautsins.+
23 Enginn illur fyrirboði er til um Jakob+og engin spásögn gegn Ísrael.+
Nú má segja um Jakob og Ísrael:
‚Sjáið hvað Guð hefur gert!‘
24 Hér er þjóð sem rís upp eins og ljón,eins og ljónið rís hún á fætur.+
Það leggst ekki fyrr en það étur bráð sínaog drekkur blóð hinna föllnu.“
25 Balak sagði þá við Bíleam: „Þó að þú getir ekki bölvað honum þarftu að minnsta kosti ekki að blessa hann.“
26 „Sagði ég þér ekki að ég myndi gera allt sem Jehóva segði mér?“ svaraði Bíleam.+
27 Balak sagði við Bíleam: „Komdu með mér á annan stað. Kannski þykir hinum sanna Guði rétt að þú bölvir þjóðinni fyrir mig þar.“+
28 Balak fór síðan með Bíleam upp á Peórtind þar sem sést yfir Jesímon.*+
29 Bíleam sagði við Balak: „Reistu sjö ölturu hér og hafðu til handa mér sjö naut og sjö hrúta.“+
30 Balak gerði þá eins og Bíleam bað hann um og fórnaði nauti og hrút á hverju altari.
