Habakkuk 1:1–17
1 Boðskapur sem Habakkuk* spámanni var gefinn í sýn:
2 Hve lengi, Jehóva, þarf ég að hrópa á hjálp en þú heyrir ekki?+
Hve lengi þarf ég að biðja um hjálp vegna ofbeldisins án þess að þú skerist í leikinn?*+
3 Af hverju læturðu mig horfa upp á illskunaog af hverju læturðu kúgun viðgangast?
Af hverju er eyðilegging og ofbeldi fyrir augum mérog af hverju logar allt í deilum og átökum?
4 Lögin eru máttlausog réttlætið nær aldrei fram að ganga.
Illmenni umkringja hina réttlátuog þess vegna er réttvísinni rangsnúið.+
5 „Lítið á þjóðirnar og gefið þeim gaum.
Starið agndofa á þær og undristþví að atburðir munu gerast á ykkar dögumsem þið mynduð ekki trúa þótt ykkur væri sagt frá þeim.+
6 Nú sendi ég Kaldea,+hina grimmu og ofsafengnu þjóð.
Þeir geysast um víðáttur jarðartil að leggja undir sig heimkynni sem eru ekki þeirra.+
7 Þeir vekja ógn og skelfinguog setja sín eigin lög og reglur.*+
8 Hestar þeirra eru fljótari en hlébarðarog illskeyttari en úlfar að nóttu.+
Stríðshestar þeirra geysast fram,gæðingar þeirra koma langt að.
Þeir eru eins og ernir sem steypa sér yfir bráðina.+
9 Allir koma þeir ákveðnir í að beita ofbeldi.+
Liðssveit þeirra er eins og austanvindurinn+og þeir sópa saman stríðsföngum eins og sandi.
10 Þeir hæðast að konungumog hlæja að háttsettum mönnum.+
Þeir hlæja að hverju varnarvirki,+hrúga að þeim mold og vinna þau.
11 Síðan æða þeir áfram eins og vindurinnen þeir baka sér sekt+því að þeir þakka guði sínum mátt sinn.“*+
12 Ert þú ekki frá eilífð, Jehóva?+
Minn heilagi, Guð minn, þú deyrð aldrei.*+
Jehóva, þú hefur falið þeim að fullnægja dómi,þú, klettur minn,+ hefur valið þá til að refsa.*+
13 Augu þín eru of hrein til að horfa á hið illaog þú umberð ekki illsku.+
Hvers vegna umberðu þá svikula menn+og þegir þegar vondur maður gleypir þann sem er réttlátari en hann?+
14 Af hverju læturðu fara með mennina eins og fiska hafsins,eins og sjávardýrin sem eiga sér engan höfðingja?
15 Hann* landar þeim öllum með öngli,veiðir þau í dragnetog safnar þeim í fiskinet.
Hann gleðst ákaflega yfir því.+
16 Þess vegna færir hann dragneti sínu fórnirog fiskinetinu fórnargjafir.*
Þau afla honum ríkulegrar fæðuog matur hans er ljúffengur.
17 Á hann að halda áfram að fylla og tæma dragnetið?*
Heldur hann áfram að strádrepa þjóðir án miskunnar?+
Neðanmáls
^ Merkir hugsanl. ‚hlýlegt faðmlag‘.
^ Eða „komir til bjargar“.
^ Eða „heiður“.
^ Eða hugsanl. „því að máttur þeirra er guð þeirra“.
^ Eða hugsanl. „við deyjum ekki“.
^ Eða „ávíta“.
^ Það er, óvinurinn, Kaldear.
^ Eða „fórnarreyk“.
^ Eða hugsanl. „að bregða sverði“.
