Misstu ekki af því!

HVERJU? Landsmóti votta Jehóva sem ber einkunnarorðin „Friðarboðberar Guðs.“ Mótið hefst föstudaginn 9. ágúst kl 9:30 með tónlist. Eftir trústyrkjandi viðtöl í dagskrárliðnum „Hlýtt á kostgæfna friðarboðbera“ verður flutt hvetjandi ræða sem nefnist: „Hvers krefst Guð af okkur?“

Aðalræða mótsins, „Hlutverk okkar sem friðarboðberar Guðs,“ verður flutt síðdegis á föstudag. Síðan, í ræðunni „Hjálpum öðrum að læra kröfur Guðs,“ eru tillögur um hvernig kenna megi nýjum. Því næst verður flutt tímabær ræðusyrpa undir stefinu: „Gættu þín á tálgryfjum skemmtanalífsins.“ Dagskrá föstudagsins lýkur með ræðunum: „Stattu gegn djöflinum — umberðu enga samkeppni“ og „Vertu dyggur málsvari orðs Guðs.“

Í þrískiptri ræðusyrpu á laugardagsmorgni, sem nefnist „Boðberar flytja fagnaðarboðskap friðarins,“ verður lögð áhersla á það starf að gera menn að lærisveinum. Morgundagskránni lýkur með ræðunum „Glaðir gjafarar í skipulagi Jehóva“ og „Líf og friður með vígslu og skírn.“ Eftir það fá nýir lærisveinar tækifæri til að láta skírast.

Í dagskrárlið eftir hádegi á laugardag, sem nefnist „Íhugaðu viðhorf Jehóva til málanna,“ verður svarað spurningum svo sem ‚Vinna kristnir menn aðgreiningarstarf nú á dögum?‘ og ‚Hver er afstaða Biblíunnar til dauðarefsingar?‘ Þá verður einnig flutt hlýleg, tvískipt ræðusyrpa sem nefnist „Guði friðarins er annt um þig“ og svo lokaræðan, „Ástundaðu frið Guðs í fjölskyldulífinu.“

Á morgundagskrá sunnudagsins verður þrískipt ræðusyrpa undir stefinu: „Berum kennsl á réttu boðberana“ og ræðan „Hlustaðu á orð Guðs og hlýddu því.“ Morgundagskránni lýkur með sviðsettu leikriti þar sem dreginn er dýrmætur lærdómur af frásögn Biblíunnar af Gídeon dómara.

Eftir hádegi á sunnudag verður opinberi fyrirlesturinn, „Loksins sannur friður — frá hverjum kemur hann?“ Mótinu lýkur svo með hvetjandi ræðu er nefnist: „Sækið fram sem friðarboðberar Guðs.“

Landsmótið „FRIÐARBOÐBERAR GUÐS“, 9. - 11. ágúst 1996 í íþróttahúsinu Digranesi, Kópavogi