Yu wuda waahn fi du muo sorvis iina di siizn fi di Laad Sopa? (2Kor 5:14, 15) Iina Maach an Iepril, di wan dem we a aagzilari paiyanier kyan du iida 30 ar 50 owa fi di mont. Ef yu tingk yu kyan tek paat iina da speshal wok ya, sain op di faam an gi it tu wan a di breda dem we de pan di Kanggrigieshan Sorvis Komitii. Dem a-go tel di kanggrigieshan di niem a di wan dem we a-go aagzilari paiyanier iina dem mont de. Dis wi mek di ada breda an sista dem nuo so dat dem kyan elp di paiyanier dem fi mek dem owaz. It wuda so nais ef aal a wi mek yuus a aal a di sitn dem we wi av iina di siizn fi di Laad Sopa so dat wi kyan priich beta an bil op wi wan aneda.​—1Tes 5:11.