DIS A OU AAL UU A FALA JIIZAS FI LIV
Uoli Spirit Elp Dem Fi Du Sitn We Did Riili Aad
Fram lang taim til nou, di piipl dem we a sorv Gad du som sitn we dem neehn eva tingk dem kuda du kaa a Jeuova elp dem fi dwi’it. Iina 1954, Jeuova aaganaizieshan did mek wan flim-shuo we niem The New World Society in Action. Muos a di piipl dem we did mek it did wok a Betel, an non a dem neehn nuo notn bout ou fi mek flim-shuo. A Jeuova uoli spirit did elp dem fi dwi’it. So eniting we Jeuova aks wi fi du, wi kyan shuor se ef wi chos iina im, im wi elp wi fi dwi’it.—Zec 4:6.
WACH DI VIDIYO OU DEM DID MEK “THE NEW WORLD SOCIETY IN ACTION,” AN DEN ANSA DEM KWESTIYAN YA:
-
Wa mek dem did mek wan flim-shuo fi shuo di tingz we dem du a di worl ed afis?
-
Ou di flim-shuo mek wi si se ou dem wok tugeda a Betel komiin laik ou di difrant paat dem iina wi badi wok tugeda?—1Kor 12:14-20
-
Wen dem did a mek di flim-shuo, wa’a som a di prablem dem we di breda dem did av, an ou dem did diil wid dem prablem de?
-
Wen wi luk pan wa did apm, wa wi kyan lorn bout Jeuova uoli spirit?
