Jeuova gi wi bredaz an sistaz “we de aal uova di worl” fi elp wi. (1Pii 5:9) Wen wi a priich an tiich an sortn tingz mait-a kom op an wi no nuo wa fi du, wi av wi breda an sista dem we kyan elp wi. Fi egzampl, Prisila an Akwila, an Sailas, an Timoti, an som ada piipl did elp di apasl Paal.​—Ak 18:1-5.

Si som sitn ya we yu breda an sista dem kyan du fi elp yu wen yu a priich an tiich. Dem kyan tel yu som sitn we yu kyan du wen yu a priich tu piipl we neehn waahn yu priich tu dem. An dem kyan elp yu fi nuo wa fi se wen yu go bak tu sumadi we yu did taak tu bifuo, ar dem kyan elp yu fi si ou yu kyan staat wan Baibl stodi wid sumadi an ou yu kyan tiich dem. Tingk bout sumadi iina yu kanggrigieshan we yu tingk kyan elp yu, an aks dem fi elp yu. Wi nuo se it a-go elp di tuu a unu, an it a-go mek unu api.​—Fil 1:25.

WACH DI VIDIYO TEK DI ELP WE JEUOVA A GI AN FIIL DI JAI WE KOM WEN YU ELP SUMADI FI KOM SORV IM–WI BREDA AN SISTA DEM, AN DEN ANSA DEM KWESTIYAN YA:

• Ou Neeta did elp Julie fi si se shi fi kom a di miitn dem?

• Wa mek wi fi aks som ada breda an sista fi kom a wi Baibl stodi wid wi?

• Wa Julie an Abigay did fain out se di tuu a dem lov?

• Wen it kom aan tu yu fiil sorvis, wa’a som ada tingz yu kyan lorn fram yu breda an sista dem?