SANG 150
Luk tu Gad fi Diliva Yu
(Zephaniah 2:3)
-
1. Gad Kindom suun suun kom;
Di nieshan dem taim suun don.
Di govament dem fi di worl
Gyang op gens Gad an im Son.
Gad naa go tek it so;
Da worl ya gweehn afi go.
Jeuova suun bring di nyuu worl kom;
Wi naa go sofa no muo.
(KUOROS)
Wi chos Gad fi diliva wi;
A im aluon kyan reskyu wi.
So wi set wi main
pan di tingz im laik,
An a Krais wi tek az wi King.
Den wach az Gad diliva wi
Kaaz wi fala im.
-
2. Mek wi no pik an chuuz
A uu wi gweehn witnis tu.
Wi priich tu evribadi an
Mek shuor dem ier Kindom nyuuz.
Duo laif mait mek wi baal,
Wi naa go gi op at aal.
Bikaa wi stie fietful tu wi Gad,
Im ansa wi wen wi kaal.
(KUOROS)
Wi chos Gad fi diliva wi;
A im aluon kyan reskyu wi.
So wi set wi main
pan di tingz im laik,
An a Krais wi tek az wi King.
Den wach az Gad diliva wi
Kaaz wi fala im.
(Riid 1 Sam. 2:9; Ps. 2:2, 3, 9; Prov. 2:8; Mat. 6:33 tu.)
