KIP WACH!
Wa Mek So Moch Piipl Na’av No Gud Biyieviya Laik Wan Taim?—Wa Di Baibl Av Fi Se Bout Dis?
Muor an muor piipl a galang bad an dem naa chriit dem wan aneda gud. Yu av piipl we a baal aafa di dakta dem, piipl we na’av no manaz tu di piipl dem we sorv dem fuud, yu av som we waahn fait aaf di wan dem we wok pan plien, an iina di skuul dem yu av som pikni we a bad op di tiicha dem an aal waahn biit dem aaf tu. An yu av som piipl iina palitiks we get demself miks op iina aal kain-a naasinis an yu av som ada wan we a chrai fi mek demself luk gud.
Di Baibl mek wi nuo wa mek so moch piipl na’av no gud biyieviya laik wan taim. Bot a no onggl dat, it mek wi nuo ou wi fi chriit wi wan aneda gud.
Wa mek so moch piipl na’av no gud biyieviya laik wan taim?
A no onggl iina wan plies wi a si se piipl na’av no gud biyieviya, dis a sitn we a apm aal uova di worl.
Dem did aks som piipl fram Merika ou dem fiil bout piipl biyieviya nowadiez iina dem konchri, an dem se it wos dan 22 ier ago.
Iina wan neda ripuot, dem taak tu bout 32,000 piipl iina 28 difrant konchri. Muos a dem se iina dem konchri wen it kom aan tu gud biyieviya, a di wos dem eva si’it.
Di Baibl did tel wi se iina fi wi taim piipl neehn a-go av no gud biyieviya.
“Iina di laas die dem tingz a-go get aad aad. Piipl onggl a-go bizniz wid demself an dem a-go lov moni. Dem a-go gwaan buosi-buosi an ful-a demself. Dem a-go kos out an biit op biit op dem wan aneda an dem naa go fala wa dem mada an faada se. Piipl naa go gi tangks fi notn. . . . Dem naa go lov dem wan aneda ar notn we gud . . . an dem a-go gwaan laik dem a wail daag.”—2 Timoti 3:1-3.
Fi fain out muor bout wa dem vors ya miin, riid dis: “Did the Bible Predict the Way People Think and Act Today?”
Sitn we wi av we mek wi nuo ou fi biyiev gud
Di Baibl a elp miliyan pan tap a miliyan a piipl fi nuo wa rait fram wa rang. An wi kyan ‘aalwiez biliiv wa it a se, nou an fi eva.’ (Saam 111:8) Si som sitn ya we yu kyan luk pan:
Dis a wa di Baibl se: “Yu fi aalwiez chriit piipl di wie ou yu waahn dem fi chriit yu.”—Matyu 7:12, NWT.
Wa dat miin: Yu si di wie ou yu waahn piipl chriit yu, a siem wie yu fi chriit piipl.
Dis a wa di Baibl se: “So den, unu fi tap tel lai. Mek aal a wi taak di chuut tu wi wan aneda.”—Ifiijan 4:25.
Wa dat miin: Iina evriting we wi se an du, wi fi anis.
Fi fain out muor bout dis we wi a chat bout, riid dem ya:
You May Also Like
ESSENTIAL BIBLE TEACHINGS
Ou Wi Kyan Nuo Se Wa Iina Di Baibl Chuu?
Ef di Baibl kom fram Gad, dat miin se it sopuoz tu difrant fram eni ada buk.
BOUT WI
Aks Fi Wan Vizit Fram Di Jeuova Witnis Dem
Yu kyan get fi taak bout wan a di kwestiyan we di Baibl gi wi ansa fa, ar yu kyan lorn muor tingz bout di Jeuova Witnis dem.
