Bener utawa Salah

1.   Nèk kowé nduwé akèh kanca, kowé ora bakal kesepian.

2.   Nèk kowé nduwé média sosial, kowé ora bakal kesepian.

3.   Nèk kowé kerep chatting-an, kowé ora bakal kesepian.

4.   Nèk kowé apikan karo wong liya, kowé ora bakal kesepian.

 Lha ngapa?

•   Nèk nduwé akèh kanca, ora berarti kowé ora bakal kesepian.

   ”Aku perduli karo kanca-kancaku tapi kadhang kanca-kancaku ora perduli karo aku. Meskipun kowé nduwé akèh kanca, tapi kowé isa ngrasa kesepian nèk meréka ora sayang lan ora perduli karo kowé.”​—Anne.

•   Nduwé média sosial ora berarti kowé ora bakal kesepian.

   ”Ana wong-wong sing nggolèk kanca sak akèh-akèhé kaya ngolèksi dolanan. Nèk kowé kaya ngono, kowé ora bakal ngrasa disayangi. Nèk kowé ora nduwé sahabat sejati, kanca-kancamu ing média sosial mung kaya dolananmu thok.”​—Elaine.

•   Nèk kowé kerep chatting-an, ora berarti kowé ora bakal kesepian.

   ”Kadhang pas kowé ngrasa kesepian, kowé dadi kerep ngecèk HP-mu kanggo ndelok kancamu nge-chat kowé apa ora. Nèk ternyata ora ana sing nge-chat kowé, kowé dadi tambah kesepian.”​—Serena.

•   Apikan karo wong liya ora berarti kowé ora bakal kesepian.

   ”Aku wis apikan karo kanca-kancaku tapi meréka ora kaya ngono karo aku. Aku ora menyesal wis apikan karo meréka, tapi anèh waé mosok meréka ora tau apikan karo aku.”​—Richard.

 Intiné: Ngrasa kesepian utawa ora kuwi bergantung pikiranmu. Cah wédok sing jenengé Jeanette ngomong, ”Ngrasa kesepian kuwi mung perasaanmu dhéwé, dudu merga wong liya.”

 Kowé kudu piyé nèk ngrasa ora nduwé kanca lan kesepian?

Berupaya percaya diri.

 ”Nèk kowé minder, kuwi isa nggawé kesepian. Kowé bakal kangèlan éntuk kanca nèk kowé ngrasa kowé ora menarik.”​—Jeanette.

 Ing Alkitab disebutké, ”Kowé kudu nresnani wong liya kaya kowé nresnani awakmu dhéwé.” (Galatia 5:⁠14) Bèn kowé isa nduwé lan dadi kanca sing apik, kowé kudu menghargai awakmu dhéwé tapi aja nganti mung mikirké awakmu thok.​—Galatia 6:⁠3, 4.

Aja mung mikirké awakmu dhéwé.

 ”Ngrasa kesepian kuwi kaya lumpur isap. Nèk kowé terus-terusan ngrasa kesepian, kowé bakal terjebak ing kono. Nèk kowé terus-terusan kaya ngono, wong-wong ora gelem dadi kancamu. Kowé bakal kesepian tenan.”​—Erin.

 Ing Alkitab disebutké, ”Wong sing nduwé katresnan . . . ora mung mikirké kepentingané dhéwé.” (1 Korintus 13:​4, 5) Wong sing mung mikirké kepentingané dhéwé ora perduli karo wong liya lan kuwi nggawé wong liya ora seneng. (2 Korintus 12:15) Bèn ora terus-terusan ngrasa kesepian, aja nganti kebahagiaanmu bergantung karo wong liya. Nèk kowé mikir, ’Ora ana sing nélpon aku’ lan ’Ora ana sing ngejak aku’, kuwi padha waé kebahagiaanmu bergantung karo wong liya.

Aja sembarangan milih kanca.

 ”Wong sing kesepian biasané péngin digatèkké, tapi kadhang meréka ora perduli éntuk perhatiané saka sapa. Meréka ya péngin dianggep. Mungkin ana wong-wong sing kétoké perduli tapi sakjané mung mèh memanfaatkan kowé thok. Akhiré kowé dadi tambah kesepian.”​—Brianne.

 Ing Alkitab disebutké, ”Wong sing bergaul karo wong sing wicaksana bakal dadi wicaksana, ning wong sing dadi kancané wong bodho bakal cilaka.” (Wulang Bebasan 13:20) Biasané wong sing luwé ki apa waé dipangan. Nah, wong sing butuh kanca isa waé dadi sembarangan milih kanca. Wong-wong sing kesepian kuwi gampang diapusi, merga meréka butuh kanca dadi ya ora masalah nèk meréka dimanfaatké karo kanca-kancané.

 Kesimpulan: Kabèh wong tau ngrasa kesepian tapi ana sing tau ngrasa luwih kesepian timbang liyané. Meskipun perasaan kesepian nggawé kowé sedhih tapi sakjané kuwi mung perasaanmu thok. Sing mbok rasakké kuwi ya asalé saka pikiranmu lan kowé isa ngendhalèni pikiranmu bèn ora mikirké hal-hal sing nggawé kowé kesepian.

 Aja terlalu berharap karo wong liya. Jeanette ngomong, ”Ora kabèh wong isa dadi sahabatmu, tapi mesthi tetep ana wong-wong sing perduli karo kowé. Kuwi isa nggawé kowé ora kesepian.”

 Keterangan tambahan: Wacanen ” Kudu Piyé Bèn Isa Nduwé Kanca?” Kowé ya isa download PDF ”Mengatasi Kesepian”.