•   Kowé kerep padu karo sapa?

  •  Bapak

  •  Ibu

•   Apa kowé kerep padu karo wong tuwamu?

  •  Jarang banget

  •  Kadhang-kadhang

  •  Kerep

•   Pas ana masalah biasané piyé?

  •  Masalahé cepet rampung lan cepet akur.

  •  Kudu padu sik, lagi masalahé rampung.

  •  Padu terus lan masalahé ora rampung-rampung.

 Nèk kerep padu karo wong tuwamu, isa waé kowé mikir nèk sing salah kuwi wong tuwamu. Tapi, sakjané kowé isa berupaya bèn ora kerep padu karo wong tuwamu lan berupaya bèn masalahé ora tambah parah.

•   Béda pendapat. Merga wis gedhé, kowé wis isa mikir dhéwé lan ngerti kudu piyé. Tapi, kadhang pendapatmu isa béda karo wong tuwamu. Meskipun béda pendapat, kowé kudu éling naséhat ing Alkitab, ”Kowé kudu ngajèni bapakmu lan ibumu.”​—Pangentasan 20:12.

   Faktané: Butuh upaya bèn ora kepancing nesu pas béda pendapat.

•   Péngin bébas. Pas kowé tambah gedhé, wong tuwamu mungkin ngekèki kowé luwih akèh kebébasan. Tapi masalahé, kadhang kowé berharap bèn isa dikèki luwih akèh kebébasan karo wong tuwamu tapi menurut wong tuwamu kuwi durung wektuné, lan kuwi isa marahi padu. Kowé kudu éling naséhat ing Alkitab, ”Kowé kudu manut karo wong tuwamu.”​—Éfésus 6:1.

   Faktané: Wong tuwamu bakal ngekèki luwih akèh kebébasan nèk kowé dadi wong sing isa dipercaya.

•   Pikirna sikapmu kudu piyé. Daripada terus-terusan mbantah lan nyalahké wong tuwamu, kowé isa berupaya bèn aja nganti padu karo wong tuwa. Cah enom sing jenengé Jeffrey ngomong, ”Kadhang sing nggawé masalahé tambah gedhé kuwi tanggepan lan kata-katané awaké dhéwé. Sakjané nèk awaké dhéwé tetep tenang lan kata-katané alus, masalahé isa cepet rampung.”

   Ayat: ”Kowé kudu ngupaya sak isa-isané bèn rukun karo kabèh wong.”​—Roma 12:18.

•   Gelem ngrungokké. Samantha sing umuré 17 taun ngomong, ”Awalé aku males ngrungokké wong tuwaku. Tapi ternyata nèk aku ngrungokké wong tuwaku, meréka ya bakal ngrungokké aku.”

   Ayat: ”Kudu cepet ngrungokké, ora kesusu ngomong.”​—Yakobus 1:19.

•   Gelem kerja sama. Ngrampungké masalah kuwi butuh kerja sama, kuwi kaya main bulu tangkis. Kowé karo wong tuwamu sak tim, dadi sing dilawan kuwi dudu wong tuwamu tapi masalahé. Cah lanang sing jenengé Adam ngomong, ”Pas ana masalah, wong tuwa mikirké sing paling apik kanggo anaké. Anak-anak ya nduwé pandhangan dhéwé soal sing paling apik kanggo dhèwèké. Dadi sakjané anak-anak karo wong tuwa nduwé tujuan sing padha.”

   Ayat: ”Nindakké apa waé sing nggawé rukun.”​—Roma 14:19.

•   Berupaya memahami wong tuwa. Sarah ngomong, ”Aku ngerti wong tuwaku kuwi ya padha-padha nduwé masalah, nèk mikirké kuwi aku isa dadi luwih sabar.” Carla ngomong, ”Aku mbayangké nèk aku sing dadi wong tuwa. Pas aku nduwé anak sing masalahé padha kaya aku, mesthi aku péngin sing paling apik kanggo anakku.”

   Ayat: ”Gatèkna kepentingané wong liya, dudu mung kepentinganmu dhéwé.”​—Filipi 2:4.

•   Manut karo wong tuwa. Kaya sing disebutké ing Alkitab, kowé kudu manut karo wong tuwamu. (Kolose 3:​20) Uripmu mesthi luwih pénak nèk kowé manut. Cah wédok sing jenengé Karen ngomong, ”Merga manut karo wong tuwaku, aku dadi ora kakèhan masalah. Wong tuwaku wis akèh berkorban kanggo aku, dadi aku pénginé ya manut karo meréka.” Nèk ora péngin padu, luwih apik manut.

   Ayat: ”Nèk ora ana kayu, geniné mati.”​—Wulang Bebasan 26:20.

 Saran. Nèk angèl ngungkapké sing mbok rasakké, kowé isa nulis surat utawa chat. Alyssa crita, ”Pas lagi jèngkèl, aku ngetrapké saran kuwi. Dadi pas ngungkapké perasaanku, aku ora karo nesu-nesu lan ora nglarani atiné wong tuwaku.”