3 Yohanes 1:1-14
1 Surat saka pinituwa* kanggo Gayus, sedulur sing disayangi. Kowé kuwi wong sing bener-bener tak sayangi.
2 Sedulurku sing tak sayangi, aku ndonga bèn kowé terus séhat lan apik-apik waé kaya keadaanmu saiki.
3 Aku bahagia banget wektu ana sedulur-sedulur sing teka lan crita nèk kowé tetep setya marang apa sing bener lan manut karo apa sing bener.*+
4 Aku bahagia banget wektu krungu nèk anak-anakku terus manut karo apa sing bener.+
5 Sedulurku sing tak sayangi, kowé mbuktèkké nèk setya karo Gusti Allah wektu kowé mbantu sedulur-sedulur, senajan kowé ora kenal karo sedulur-sedulur kuwi.+
6 Wong-wong kuwi crita ing ngarepé jemaat nèk kowé nresnani sedulur-sedulur. Mula, mengko nèk wong-wong kuwi arep lunga, kowé kudu ngupaya mbantu wong-wong kuwi nganggo cara sing nyenengké Gusti Allah.+
7 Wong-wong kuwi lunga ing panggonan sing béda-béda kanggo kepentingané Gusti Allah, ning ora berharap apa-apa+ saka bangsa-bangsa liya.
8 Mula, awaké dhéwé kudu ramah lan apikan+ karo wong-wong kuwi, bèn awaké dhéwé isa kerja bareng kanggo ndhukung ajaran sing bener.+
9 Aku tau nulis surat kanggo jemaat, ning Diotrèfès, yaiku wong sing péngin dadi nomer siji ing jemaat,+ ngrèmèhké kabèh sing tak omongké.+
10 Kuwi sebabé pas aku teka, aku bakal nduduhké nèk dhèwèké wis nyebar fitnah soal aku.+ Ora mung kuwi, dhèwèké ya ora ngajèni sedulur-sedulur+ sing teka. Nèk ana wong-wong sing ramah lan apikan karo sedulur-sedulur kuwi, dhèwèké ngupaya ngalang-alangi lan ngetokké wong-wong kuwi saka jemaat.
11 Sedulurku sing tak sayangi, aja niru apa sing jahat, ning kowé kudu niru apa sing apik.+ Wong sing tumindaké apik asalé saka Gusti Allah.+ Ning, wong sing tumindaké jahat ora kenal karo Gusti Allah.+
12 Kabèh sedulur mènèhi laporan sing apik soal Démétrius, lan uripé sesuai karo apa sing bener. Menurutku, dhèwèké kuwi pancèn wong sing apik. Kowé ngerti nèk omonganku mesthi jujur.
13 Isih ana akèh sing péngin tak sampèkké marang kowé, ning aku ora péngin nyampèkké kuwi liwat surat.
14 Aku péngin isa ndang ketemu lan ngomong langsung karo kowé.
Muga-muga kowé ngrasa ayem.
Kanca-kanca ing kéné ngirimké salam kanggo kowé. Tulung sampèkké salamku kanggo kanca-kancaku siji-siji.
Katrangan Tambahan
^ Utawa ”saka wong lanang sing wis tuwa”.
^ Lit.: ”lan mlaku ing dalan sing bener”.
