Habakuk 1:1-17
1 Iki berita sing disampèkké marang Nabi Habakuk* liwat wahyu:
2 Oh Yéhuwah, nganti kapan aku kudu njaluk tulung? Kapan Njenengan bakal ngrungokké aku?+
Nganti kapan aku kudu njaluk tulung? Kapan Njenengan nylametké aku saka kejahatan?+
3 Ngapa kok sing tak delok mung kejahatan?
Ngapa kok Njenengan meneng waé wektu ana sing nindhes liyané?
Ana akèh kehancuran lan kejahatan ing ngarepku.
Ana akèh sing padu lan gelut.
4 Ora ana sing manut hukum.
Ora ana sing nindakké keadilan.
Wong jahat nguwasani wong bener.
Kuwi sebabé ora ana keadilan.+
5 ”Deloken lan gatèkna bangsa-bangsa.
Kowé bakal nggumun lan kagètMerga ana sing bakal kelakon ing jamanmu.
Kowé ora bakal percaya senajan kowé wis dikandhani.+
6 Aku bakal nggerakké wong Khaldéa,+Bangsa sing kejem lan gampang nesu.
Wong-wong kuwi njlajahi dhaérah sing amba ing bumiArep ngrampas omah-omah sing dudu duwèké.+
7 Wong-wong kuwi medèni, lan wong-wong padha wedi.
Wong-wong kuwi padha nggawé hukum dhéwé lan rumangsa sing paling kuwasa.+
8 Jaran-jarané luwih cepet timbang macan tutulLan luwih buas timbang serigala pas bengi.+
Jaran-jaran perangé mlayu cepet banget.
Jaran-jarané teka saka panggonan sing adoh.
Mlayuné cepet banget kaya elang sing nyamber mangsa.+
9 Bangsa kuwi teka kanggo nindakké kejahatan.+
Pas pasukané nyerbu, kuwi kaya angin saka wétan,+Lan wong-wong kuwi nglumpukké tawanané akèhé kaya pasir.
10 Raja-raja padha diécé,Para pejabat padha diguyu.+
Panggonan-panggonan sing ana bèntèngé padha diguyu.+
Wong-wong kuwi nggawé gundhukan tanah bèn isa mlebu lan ngrebut panggonan kuwi.
11 Terus wong-wong kuwi maju lan bablas kaya angin,Ning wong-wong kuwi pantes dihukum+Merga nganggep nèk kekuwatané asalé saka déwané.”*+
12 Oh Yéhuwah,+ Njenengan wis ana kèt mbiyèn.
Oh Gusti Allahku, Gusti Allahku sing Mahasuci, Njenengan ora isa mati.*+
Oh Yéhuwah, Njenengan nglantik wong-wong kuwi kanggo nindakké pengadilan.
Gunung Watuku,+ Njenengan wis milih wong-wong kuwi kanggo mènèhi hukuman.+
13 Njenengan suci banget, mula ora tahan ndelok apa sing jahat.
Njenengan ya ora isa meneng waé nèk ndelok kejahatan.+
Ning, ngapa kok Njenengan meneng waé pas ndelok pengkhianat+Lan meneng waé wektu ndelok wong jahat nguwasani wong sing luwih apik timbang dhèwèké?+
14 Ngapa kok Njenengan meneng waé wektu manungsa dianggep kaya iwak ing laut,Kaya kéwan ing laut sing ora nduwé pemimpin?
15 Kabèh wong kuwi padha ditangkep* nganggo pancing,Padha ditarik nganggo jala,Lan diklumpukké nganggo jaring.
Kuwi sebabé wong-wong sing nangkep kuwi seneng banget.+
16 Kuwi sebabé jalané disajèniLan jaringé disajèni.
Alat-alat kuwi sing wis nggawé wong-wong kuwi mangan énakLan ngrasakké panganan sing bergizi.
17 Nganti kapan wong-wong kuwi bakal terus nguncalké jalané?*
Apa wong-wong kuwi bakal terus matèni bangsa-bangsa tanpa nduwé rasa mesakké?+
Katrangan Tambahan
^ Mungkin artiné ”Pelukan”.
^ Utawa mungkin ”Merga kekuwatané kuwi déwané”.
^ Utawa mungkin ”aku kabèh ora bakal mati”.
^ Maksudé, ditangkep bangsa Khaldéa.
^ Utawa mungkin ”terus nggunakké pedhangé?”
