Mazmur 32:1-11
Lagu sing digawé Daud. Maskil.*
32 Wong sing kesalahané diapura, sing dosané diapura, bakal bahagia.+
2 Wong sing ora seneng ngapusiLan ora dianggep salah karo Yéhuwah bakal bahagia.+
3 Pas aku ora ngakoni dosaku, aku dadi kesel merga bola-bali sambat.+
4 Awan bengi aku ngrasa nèk Njenengan ora seneng karo aku.+
Aku ora nduwé kekuwatan manèh kaya banyu sing menguap pas musim panas. (Sela)
5 Tapi akhiré aku ngakoni dosaku marang Njenengan.
Aku ora nutup-nutupi kesalahanku.+
Aku kandha, ”Aku bakal ngakoni kesalahanku marang Yéhuwah.”+
Lan Njenengan ngapura salah lan dosaku.+ (Sela)
6 Kuwi sebabé wong sing setya bakal ndonga marang Njenengan,+Mumpung Njenengan isih isa dicedhaki.+
Wong-wong kuwi ora bakal ngalami masalah sing gedhéné kaya banjir.
7 Njenengan kuwi kaya panggonan kanggo ndhelik.
Njenengan bakal nglindhungi aku wektu aku susah.+
Njenengan nggawé aku seneng lan sorak-sorak merga Njenengan mbébaské aku.+ (Sela)
8 ”Aku bakal mènèhi kowé pemahaman, lan Aku bakal ngajari kowé bèn isa nindakké sing bener.+
Aku bakal nggatèkké kowé lan mènèhi kowé naséhat.+
9 Aja dadi kaya jaran lan keledai* sing ora nduwé pemahaman,+Sing liar lan kudu dikendhalèni nganggo tali ing cangkeméBèn manut karo kowé.”
10 Wong jahat ngalami akèh kesusahan,Tapi Yéhuwah bakal sayang* karo wong sing percaya marang Dhèwèké.+
11 Hé kowé wong sing bener, kowé kudu seneng lan bahagia merga Yéhuwah.
Hé kowé kabèh sing tulus atiné, kowé kudu sorak-sorak merga seneng.
Katrangan Tambahan
^ Deloken Daftar Istilah.
^ Deloken ctn. ing 2Sam 13:29.
^ Utawa ”nduduhké katresnan sing langgeng”. Deloken Daftar Istilah.
