Mazmur 74:1-23
Maskil.* Lagu sing digawé Asaf.+
74 Oh Gusti Allah, ngapa kok Njenengan ninggalké umat-Mu saklawasé?+
Ngapa kok Njenengan nesu banget karo domba-domba sing mbok angon?+
2 Tulung Njenengan éling karo umat sing mbok pilih mbiyèn,+Yaiku suku sing mbok tebus bèn dadi duwèk-Mu.*+
Tulung éling karo Gunung Zion, sing dadi panggonan-Mu.+
3 Gatèkna panggonan sing wis bener-bener dihancurké kuwi.+
Mungsuh wis ngrusak kabèh sing ana ing panggonan suci.+
4 Ing njero bait-Mu,+ mungsuh-mungsuh-Mu sorak-sorak merga senengLan masang bendéra* ing kono.
5 Wong-wong kuwi kaya wong sing negor wit ing hutan nganggo kapak.
6 Wong-wong kuwi ngrusak ukiran+ ing panggonan suci nganggo kapak lan linggis.
7 Wong-wong kuwi ngobong+ panggonan suci-Mu.
Wong-wong kuwi nggawé najis lan ngremuk tabernakel sing dienggo ngluhurké jeneng-Mu nganti rata karo lemah.
8 Wong-wong kuwi lan keturunané mbatin,’Kabèh panggonan kanggo ngibadah marang* Gusti Allah ing negara iki kudu diobong.’
9 Aku ora ndelok bendéra* apa-apa.
Ora ana nabi manèh.
Ora ana sing ngerti nganti kapan bakal kaya ngéné.
10 Oh Gusti Allah, nganti kapan mungsuh bakal terus ngécé?+
Apa mungsuh bakal ngécé jeneng-Mu sakterusé?+
11 Ngapa kok Njenengan ora nindakké apa-apa?*+
Tulung singkirna wong-wong kuwi.*
12 Gusti Allahku, Njenengan nylametké umat-Mu ing bumi.+
Njenengan kuwi Rajaku kèt jaman mbiyèn.
13 Njenengan nggoncangké laut nganggo kekuwatan-Mu.+
Njenengan ngremuk endhasé kéwan-kéwan laut sing gedhé.
14 Njenengan ngremuk endhasé Lèwiatan*Lan mbok wènèhké marang wong-wong sing manggon ing padhang pasir bèn dipangan.
15 Njenengan mbukak mata air lan aliran banyu.+
Njenengan nggawé kali sing mili dadi garing.+
16 Awan lan bengi kuwi duwèk-Mu.
Njenengan nggawé cahaya lan matahari.+
17 Njenengan nggawé batas-batas sing ana ing bumi.+
Njenengan nggawé musim panas lan musim dingin.+
18 Oh Yéhuwah, tulung élinga nèk mungsuh-mungsuh-Mu ngécé Njenengan.
Wong-wong sing bodho kuwi ngécé jeneng-Mu.+
19 Aja makakké manuk derkuku-Mu marang kéwan buas.
Aja sakterusé lali karo umat-Mu sing ngalami kesusahan.
20 Tulung élinga perjanjian-Mu karo umat-Mu,Merga kabèh panggonan sing peteng ing bumi wis dadi panggonané wong jahat.
21 Muga-muga wong sing ditindhes ora dirèmèhké.+
Muga-muga wong cilik lan wong mlarat muji jeneng-Mu.+
22 Oh Gusti Allah, tulung Njenengan tumindak lan bélanen kasus-Mu.
Élinga nèk wong bodho ngécé Njenengan saben dina.+
23 Aja lali karo omongané mungsuh-Mu.
Omongané wong sing ngécé Njenengan saya ndadi.
Katrangan Tambahan
^ Deloken Daftar Istilah.
^ Utawa ”warisan-Mu”.
^ Lit.: ”tandha”.
^ Utawa ”kanggo nyembah”.
^ Lit.: ”tandha”.
^ Lit.: ”Njenengan narik tangan tengen-Mu”.
^ Lit.: ”Tulung Njenengan ngetokké tangan-Mu saka dhadha-Mu lan singkirna wong-wong kuwi”.
^ Deloken Daftar Istilah.
