Kaya jamané wong Israèl mbiyèn, saiki Yéhuwah ya ngatur umaté. Merga ana kantor-kantor cabang, wilayah-wilayah, jemaat-jemaat, lan kelompok-kelompok nginjil, para sedulur sakdonya isa diarahké wektu nginjil. Pas awaké dhéwé nginjil kabèh dikabari, termasuk sing nganggo basa liya.​—Why 14:6, 7.

Apa njenengan péngin sinau basa liya? Nèk njenengan ora nduwé wektu kanggo sinau basa liya, njenengan ya isa nggunakké aplikasi JW Language bèn isa ngerti carané nginjil karo wong-wong sing nganggo basa liya. Bar nginjil nganggo basa liya, njenengan mesthi isa seneng kaya para sedulur jamané para rasul. Para sedulur kuwi seneng merga wong-wong isa krungu ”perkara-perkara sing nggumunké sing ditindakké Gusti Allah” nganggo basané dhéwé-dhéwé.​—Kis 2:7-11.

DELOKEN VIDÉO DADI KANCANÉ YÉHUWAH—NGINJIL NGANGGO BASA LIYA, TERUS JAWABEN PITAKONAN-PITAKONAN IKI:

• Kapan njenengan isa nggunakké aplikasi JW Language?

• Aplikasi JW Language kuwi isiné apa waé?

• Ing dhaérahé njenengan, wong-wong nganggo basa apa waé?

• Nèk ana sing gelem sinau Alkitab tapi dhèwèké nganggo basa liya, awaké dhéwé kudu piyé?​—od-IN 100-101 ¶39-41