Kèt cilik nganti tuwa Samuèl tetep setya karo Yéhuwah. Pas isih cilik, Samuèl ora gelem mèlu-mèlu anaké Èli, yaiku Hofni lan Pinéhas. (1Sam 2:22-26) Nganti gedhé, Samuèl terus cedhak karo Yéhuwah. (1Sam 3:19) Pas wis tuwa, Samuèl tetep setya nglayani Yéhuwah senajan anak-anaké ora setya.​—1Sam 8:1-5.

Apa sing isa dipelajari saka Samuèl? Cah enom, percayaa nèk Yéhuwah ngerti apa waé sing mbok alami lan piyé perasaanmu. Yéhuwah bakal mbantu bèn kowé isa kendel. (Yés 41:10, 13) Wong tuwa, nèk njenengan nduwé anak sing wis ora nglayani Yéhuwah, njenengan isa dikuwatké nèk nggatèkké kisahé Samuèl. Samuèl mbiyèn ya ora isa meksa anak-anaké bèn tetep setya karo Yéhuwah. Tapi, Samuèl pasrah karo Yéhuwah, terus Samuèl dhéwé ya berupaya tetep setya lan nyenengké Yéhuwah. Nèk njenengan tetep setya, sapa ngerti anaké njenengan gelem nglayani Yéhuwah manèh.

SETÈLEN VIDÉO SINAU SAKA TOKOH ALKITAB—SAMUÈL, TERUS JAWABEN PITAKONAN-PITAKONAN IKI:

• Apa buktiné nèk Samuèl kendel pas isih cilik?

• Apa buktiné nèk Danny ya kendel?

• Apa sing isa ditiru saka Samuèl pas dhèwèké wis tuwa?

• Apa buktiné nèk wong tuwané Danny dadi conto sing apik?