Sing dialami wong Israèl pas ing dhaérah Moab dadi conto kanggo ngélikké awaké dhéwé. (1 Kor 10:6, 8, 11) Merga kerep bergaul karo wong wédok Moab sing ora nyembah Yéhuwah, akhiré ana wong Israèl sing nggawé dosa lan akèh banget sing dipatèni Yéhuwah. (Wi 25:9) Mungkin awaké dhéwé nduwé kanca kerja, kanca sekolah, tangga, lan sedulur sing ora nyembah Yéhuwah. Apa bahayané nèk awaké dhéwé akrab karo wong-wong kuwi? Ana sing isa dipelajari saka kisahé wong Israèl.

DELOKEN VIDÉO CONTO KANGGO NGÉLIKKÉ AWAKÉ DHÉWÉ—CUPLIKAN, TERUS JAWABEN PITAKONAN-PITAKONAN IKI:

• Pas ngobrol karo Yamin, apa buktiné nèk sing dipikirké Zimri lan kanca-kancané salah?

• Piyé Pinéhas ngandhani bèn Yamin isa ngerti endi sing bener?

• Wektu urusan karo sing ora nyembah Yéhuwah, apa bédané apikan karo akrab?

• Apa sebabé awaké dhéwé kudu ngati-ati milih kanca akrab ing jemaat?

• Apa sebabé awaké dhéwé aja bergaul karo wong-wong sing ora dikenal ing grup ing média sosial?