Apa para ilmuwan ngerti piyé asal mulané alam semesta karo makhluk hidup? Jawabané ora. Ana sing ngomong nèk para ilmuwan sing mempelajari kosmologi (cabang ilmu astronomi) isa njelaské soal asal mulané alam semesta. Tapi, Profésor Marcelo Gleiser ora setuju karo pendapat kuwi. Dhèwèké profésor astronomi saka Dartmouth College lan dhèwèké ya agnostik. Dhèwèké ngomong, ”Nganti saiki, kami isih durung ngerti piyé asal mulané alam semesta.”

Soal asal mulané makhluk hidup, ing artikel majalah Science News ana keterangan kaya ngéné, ”Kayané mémang ora ana sing isa ngerti piyé critané ana makhluk hidup ing bumi, soalé watu karo fosil sing isa dienggo nelusuri piyé asal mulané bumi saiki wis ora ana.” Saka pernyataan-pernyataan mau, awaké dhéwé isa nyimpulké nèk para ilmuwan isih durung ngerti piyé asal mulané alam semesta karo makhluk hidup.

Mungkin njenengan dadi mikir, ’Nèk makhluk hidup diciptakké, sing nyiptakké sapa? Terus, nèk mémang ana Pencipta sing sayang lan mikirké ciptaané, ngapa kok Dhèwèké meneng waé pas manungsa susah? Ngapa kok Dhèwèké meneng waé padahal ana akèh agama sing ajarané béda-béda lan wong-wong sing ngakuné nyembah Dhèwèké kelakuané ya ora bener?’

Para ilmuwan ora isa njawab pertanyaan-pertanyaan kuwi. Tapi, sakjané ana jawabané. Akèh sing wis éntuk keterangan soal kuwi ing Alkitab.

Ana ilmuwan sing bar sinau Alkitab dadi percaya nèk Pencipta kuwi ana. Deloken ”Pendapat soal Urip lan Sing Nyiptakké” ing jw.org bèn ngerti luwih akèh soal kuwi.