1-2. (a) Ngampuni kuwi ora gampang terutama nèk pas apa? (b) Apa buktiné Diana seneng ngampuni?

 KANGGONÉ akèh-akèhé wong, ngampuni kuwi ora gampang, apamanèh nèk wis bener-bener lara ati. Apa isa awaké dhéwé ora nesu terus, tapi gelem ngampuni? Isa. Contoné, gatèkna pengalamané Sedulur Diana. a Dhèwèké dadi conto sing apik banget soal ngampuni. Taun 2017, Diana sak keluarga ngunjungi Kantor Pusaté Seksi-Seksi Yéhuwah sing lagi waé dibukak. Pas perjalanan mulih, ana sopir sing lepas kendali, terus nabrak mobilé meréka. Wektu kuwi, Diana dadi koma. Bar sadhar, dhèwèké dikandhani nèk anak-anaké luka parah, terus Brian bojoné mati. Diana crita, ”Wektu kuwi, aku langsung lemes banget, strès, lan bingung.” Bar kuwi, dhèwèké dikandhani nèk sopir kuwi nabrak dudu merga lagi mabuk utawa ora fokus. Diana langsung ndonga bèn tetep tenang.

² Wong sing nabrak mau dituntut pembunuhan sing ora disengaja. Nèk terbukti salah, dhèwèké isa dipenjara. Tapi, petugas pengadilan ngomong karo Diana nèk hukumané kuwi bergantung karo kesaksiané Diana ing persidangan. Diana crita, ”Nèk ngekèki kesaksian, berarti aku kudu nyritakké manèh peristiwa sing bener-bener marakké aku trauma. Kuwi kaya lukaku dibelèk manèh, terus disuntaki uyah. Rasané perih banget.” Beberapa  minggu bar kuwi, Diana teka ing pengadilan kanggo ngekèki kesaksian, meskipun kuwi berarti dhèwèké kudu ketemu manèh karo wong sing wis marakké keluargané sengsara. Terus, Diana piyé? Diana ngomong karo hakimé bèn wong kuwi dimesakké waé. b Bar Diana rampung ngomong, hakim kuwi nangis. Hakim kuwi ngomong, ”Aku wis 25 taun dadi hakim, tapi durung tau ngerti ana keluarga korban sing malah njaluk bèn pelakuné dimesakké. Aku durung tau ngerti ana wong sing menyayangi lan gelem ngampuni nganti kaya ngono.”

 3. Apa sing marakké Diana gelem ngampuni?

³ Apa sing marakké Diana gelem ngampuni? Dhèwèké ngrenungké soal pengampunané Yéhuwah. (Mi. 7:18) Nèk bersyukur banget wis diampuni Yéhuwah, awaké dhéwé ya mesthi tergerak kanggo ngampuni wong liya.

 4. Menurut Éfésus 4:​32, Yéhuwah péngin awaké dhéwé piyé?

⁴ Yéhuwah péngin awaké dhéwé tulus ngapura wong liya kaya Yéhuwah ya wis tulus ngapura awaké dhéwé. (Wacanen Éfésus 4:32.) Meskipun dilarani, ya tetep kudu siap ngampuni. (Mzm. 86:5; Luk. 17:4) Bèn isa ngampuni, carané ana telu. Kuwi sing bakal dibahas ing artikel iki.

KUDU NGAKONI NÈK MÉMANG LARA ATI

 5. Menurut Wulang Bebasan 12:​18, nèk dilarani ati kuwi rasané kaya apa?

⁵ Omongan utawa perbuatané wong liya isa waé nglarani ati. Tapi, mungkin rasané luwih lara manèh nèk sing nglarani kuwi kanca cedhak utawa anggota keluarga. (Mzm. 55:​12-14) Rasané mungkin kaya ditusuk nganggo péso. (Wacanen Wulang Bebasan 12:18.) Isa waé awaké dhéwé berupaya seolah-olah ora apa-apa padahal sakjané lara ati. Tapi nèk kaya ngono, kuwi padha karo ngejarké pésoné tetep nancep ing luka kuwi. Akibaté, lukané ora mari-mari, lan awaké dhéwé bakal lara terus.

 6. Nèk tersinggung, mungkin awaké dhéwé bakal piyé?

⁶ Nèk tersinggung, mungkin awaké dhéwé bakal langsung nesu. Mémang menurut Alkitab kuwi wajar, tapi sing penting aja nganti nesu terus. (Mzm. 4:4; Éf. 4:26) Lha ngapa? Biasané, perasaan isa marakké awaké dhéwé melakukan sesuatu. Nèk nesu, kuwi isa marakké awaké dhéwé melakukan sesuatu sing salah. (Yak. 1:20) Mémang, perasaan nesu isa waé muncul. Tapi, arep terus-terusan nesu apa ora, kuwi pilihan.

 7. Perasaan-perasaan apa manèh sing isa waé muncul wektu dilarani?

⁷ Ana perasaan-perasaan liya sing mungkin muncul pas dilarani. Misalé, Sedulur Anna crita, ”Wektu aku isih cilik, Bapak ninggalké Ibu, terus nikah karo pembantu sing momong aku. Aku dadi ngrasa ora disayang. Terus pas meréka nduwé anak, aku ya dadi ngrasa nèk aku wis ora dianggep anak manèh. Aku selalu ngrasa nèk ora ana sing perduli  karo aku.” Sedulur Gloria nyritakké perasaané pas bojoné selingkuh. Dhèwèké ngomong, ”Kami wis kancanan kèt cilik. Kami ya merintis bareng-bareng. Dadi, atiku rasané hancur banget.” Sedulur Naomi crita, ”Wektu bojoku ngaku nèk dhèwèké selama iki nonton pornografi, aku ngrasa diapusi lan dikhianati. Aku ora nyangka nèk bojoku téga nglarani aku.”

 8. (a) Apa waé alesané kudu ngampuni? (b) Apa waé manfaaté nèk gelem ngampuni? (Deloken kothak ” Piyé Nèk Wis Dilarani Banget?”)

⁸ Mémang, awaké dhéwé ora isa ngendhalèni apa sing diomongké lan dilakukan wong liya. Tapi, awaké dhéwé isa ngendhalèni tanggepané awaké dhéwé. Biasané, sing paling apik kuwi ngampuni. Soalé, kuwi sing dipénginké Yéhuwah, lan awaké dhéwé gelem manut merga sayang Dhèwèké. Nèk nesu terus lan ora gelem ngampuni, isa waé dadi nglakoni sesuatu sing salah, lan kuwi ya berbahaya kanggo keséhatan. (WB. 14:​17, 29, 30) Misalé, Sedulur Christine ngomong, ”Merga terlalu fokus karo lara atiku, aku dadi jarang senyum, mangan sak karepé dhéwé, kurang turu, lan gampang émosi. Akibaté, hubunganku karo bojoku lan wong liya dadi kurang apik.”

 9. Ngapa kok aja nganti lara ati terus?

⁹ Bahkan nèk wong sing wis nglarani kuwi ora gelem njaluk ngapura utawa ora gelem bertanggung jawab, awaké dhéwé kudu piyé? Gloria sing disebutké sakdurungé ngomong, ”Mémang butuh wektu, tapi akhiré aku ora nesu manèh karo mantan bojoku. Perasaanku dadi luwih ayem.” Nèk lara ati terus, biasané kuwi ana pengaruhé karo carané awaké dhéwé memperlakukan wong liya. Dadi, nèk berupaya bèn ora terus-terusan nesu, pikirané awaké dhéwé isa luwih tenang lan isa semangat manèh merga ora terus fokus karo masalah kuwi. (WB. 11:17) Tapi, piyé nèk tetep ora isa ngampuni?

BERUPAYA BÈN ORA TERUS LARA ATI

10. Ngapa kok kadhang ora isa langsung ngampuni? (Deloken gambar.)

¹⁰ Piyé nèk atiné kebacut terluka? Salah siji carané, kudu ngerti nèk bèn pulih kuwi ya butuh wektu. Kaya wong sing  luka parah, meskipun wis ditambani, tetep butuh wektu bèn isa mari. Padha kaya ngono, bèn ora lara ati manèh lan isa tulus ngampuni, kuwi ya butuh wektu.—Pkh. 3:3; 1 Ptr. 1:22.

11. Bèn isa ngampuni, ngapa kok kudu ndonga?

¹¹ Bèn isa luwih gampang ngampuni, kudu ndonga njaluk bantuané Yéhuwah. c Anna sing disebutké mau nyritakké manfaaté donga. Dhèwèké ngomong, ”Aku njaluk Yéhuwah ngampuni kesalahané kami sak keluarga. Terus, aku nulis surat kanggo bapakku karo bojoné sing anyar, lan ngomong nèk aku wis ngampuni meréka.” Anna ngakoni nèk kuwi ora gampang. Tapi dhèwèké ngomong, ”Aku péngin niru Yéhuwah sing seneng ngampuni. Aku berharap bapakku lan bojoné kuwi dadi gelem belajar soal Yéhuwah.”

12. Ngapa kok aja nuruti perasaané dhéwé tapi kudu percaya Yéhuwah? (Wulang Bebasan 3:​5, 6)

¹² Sakliyané kuwi, aja mung nuruti perasaané dhéwé, tapi kudu percaya karo Yéhuwah. (Wacanen Wulang Bebasan 3:​5, 6.) Yéhuwah selalu ngerti sing paling apik kanggo awaké dhéwé. (Yés. 55:​8, 9) Préntahé kuwi mesthi kanggo kebaikané awaké dhéwé. Dadi, wektu Yéhuwah ngongkon ngampuni, kuwi mesthi ya ana manfaaté. (Mzm. 40:4; Yés. 48:​17, 18) Tapi, nèk mung nuruti perasaané dhéwé, awaké dhéwé ora bakal isa ngampuni. (WB. 14:12; Yér. 17:9) Naomi sing disebutké mau crita, ”Awalé, aku ngrasa nèk aku ora perlu ngampuni bojoku. Aku péngin dhèwèké éling nèk wis marakké aku lara ati lan ora nglarani aku manèh. Aku ya nganggep nèk Yéhuwah mesthi isa maklum karo perasaanku iki. Tapi aku dadi sadhar, meskipun Yéhuwah ngerti perasaanku, kuwi ora berarti Dhèwèké seneng nèk aku ngrasa kaya ngono. Yéhuwah ngerti aku butuh wektu bèn ora nesu manèh, tapi Dhèwèké tetep péngin aku ngampuni.” d

 NGUPAYA TERUS MIKIRKÉ SING APIK-APIK

13. Menurut Roma 12:​18-21, awaké dhéwé kudu piyé?

¹³ Ngampuni wong kuwi ora sekedar ora mbahas masalah kuwi manèh. Awaké dhéwé kudu berupaya bèn rukun manèh, terutama nèk sing nglarani ati kuwi sedulur seiman. (Mat. 5:​23, 24) Timbang nesu terus utawa malah sengit, awaké dhéwé pilih ngrasa mesakké lan gelem ngampuni. (Wacanen Roma 12:​18-21; 1 Ptr. 3:9) Bèn isa ngono, kudu piyé?

14. Apa sing kudu awaké dhéwé upayakké, lan ngapa kok kudu ngupayakké kuwi?

¹⁴ Yéhuwah selalu nggolèki apiké wong. Awaké dhéwé kudu niru Yéhuwah lan nggolèki sifat-sifat apiké wong sing wis nglarani awaké dhéwé. (2 Bb. 16:9; Mzm. 130:3) Nèk sing digolèki èlèké, ya sing bakal ketemu sing èlèk-èlèk. Tapi nèk sing digolèki apiké, mesthi bakal ketemu hal-hal sing apik. Nèk wis nemokké apiké,  mesthi dadi luwih gampang ngampuni. Misalé Sedulur Jarot ngomong, ”Aku dadi luwih gampang ngampuni wektu mikirké nèk hal-hal sing apik saka dhèwèké kuwi luwih akèh timbang kesalahané.”

15. Apa manfaaté ngandhani wongé nèk awaké dhéwé wis ngampuni dhèwèké?

¹⁵ Hal liyané sing isa dilakukan kuwi ngandhani wongé nèk njenengan wis ngampuni dhèwèké. Lha ngapa? Gatèkna Naomi sing disebutké mau. Dhèwèké ngomong, ”Bojoku takon, ’Apa kowé wis ngampuni aku?’ Aku ora isa njawab. Aku dadi ngerti nèk sakjané atiku durung isa ngampuni dhèwèké. Tapi bar tak kandhani nèk wis tak ampuni, bojoku dadi lega, terus nangis. Aku dhéwé ya dadi plong. Sejak kuwi, aku isa percaya lan akrab manèh karo bojoku.”

16. Soal ngampuni, apa waé sing wis dipelajari?

¹⁶ Yéhuwah péngin awaké dhéwé seneng ngampuni. (Kol. 3:13) Mémang kuwi ora gampang. Tapi kaya sing wis dipelajari, awaké dhéwé isa ngampuni nèk ngakoni mémang lara ati, berupaya bèn ora lara ati terus, lan mikirké sing apik-apik.—Deloken kothak ” Bèn Isa Ngampuni Carané Piyé?”

TERUS MIKIRKÉ MANFAATÉ SENENG NGAMPUNI

17. Apa waé manfaaté seneng ngampuni?

¹⁷ Ana akèh manfaaté nèk seneng ngampuni. Misalé: (1) Isa nggawé Yéhuwah seneng soalé wis niru Dhèwèké. (Luk. 6:36) (2) Isa mbuktèkké nèk awaké dhéwé bersyukur wis diampuni Yéhuwah. (Mat. 6:12) (3) Isa luwih séhat lan nduwé hubungan sing apik karo wong liya.

18-19. Ana hasil-hasil apik liyané apa nèk gelem ngampuni?

¹⁸ Nèk gelem ngampuni, isa waé ana hasil-hasil apik liyané. Misalé, gatèkna pengalamané Diana sing disebutké mau. Sakjané, wong sing nabrak keluargané kuwi berencana arep bunuh diri bar disidang. Tapi merga diampuni Diana, dhèwèké tersentuh banget lan akhiré mulai sinau Alkitab karo Seksi-Seksi Yéhuwah.

¹⁹ Isa waé, ngampuni kuwi salah siji hal sing paling abot dilakukan. Tapi, kuwi ya isa dadi salah siji hal sing paling marakké bahagia. (Mat. 5:7) Makané, ayo terus niru Yéhuwah sing seneng ngampuni.