1-2. (a) Ngapa kok Rasul Paulus ngomong nèk katresnan kuwi ”sing paling unggul”? (b) Pertanyaan-pertanyaan apa waé sing bakal dibahas?

 WEKTU mbahas soal iman, harapan, lan katresnan, Rasul Paulus ngomong nèk ”sing paling unggul saka antarané kabèh kuwi yaiku katresnan”. (1 Kor. 13:13) Lha ngapa? Sukmbèn, awaké dhéwé ora perlu nduwé iman utawa nduwé harapan manèh soal Firdaus merga kuwi wis kelakon. Tapi, awaké dhéwé isih kudu tetep nresnani Yéhuwah lan wong liya nganti saklawasé. Malah, saya suwé rasa sayangé kudu semakin kuwat.

² Merga kudu terus sayang karo para sedulur, awaké dhéwé bakal mbahas telung pertanyaan. Pertama, ngapa kok kudu saling menyayangi? Keloro, piyé carané mbuktèkké nèk sayang? Ketelu, piyé carané bèn isa terus sayang karo sedulur seiman?

3. Ngapa kok kudu saling menyayangi?

³ Ngapa kok kudu saling menyayangi? Nèk saling menyayangi, kuwi bukti awaké dhéwé muridé Yésus. Yésus  ngomong karo para rasulé, ”Nèk saben wong ing antaramu padha-padha nresnani, kabèh wong bakal ngerti nèk kowé kuwi murid-muridku.” (Yoh. 13:35) Terus, nèk saling menyayangi, awaké dhéwé isa tetep rukun. Paulus ngomong nèk katresnan kuwi ”sing nggawé wong-wong bener-bener bersatu”. (Kol. 3:14) Terus, alesan liyané disebutké karo Rasul Yohanes. Dhèwèké nulis, ”Wong sing nresnani Gusti Allah ya kudu nresnani seduluré.” (1 Yoh. 4:21) Dadi nèk saling menyayangi, kuwi bukti awaké dhéwé ya sayang karo Gusti Allah.

4-5. Sayang karo para sedulur kuwi bukti nèk sayang karo Gusti Allah. Kèkana perumpamaan.

⁴ Kok isa nèk sayang karo para sedulur kuwi bukti nèk sayang karo Gusti Allah? Perumpamaané ngéné: Nèk dokter arep ngecèk jantung séhat apa ora lan detaké kuwat apa ora, isa ngecèk saka denyut nadi ing pergelangan tangan. Katresnan ya kaya ngono.

⁵ Awaké dhéwé isa ngerti isih sayang karo Gusti Allah apa ora nèk ndelok katresnané awaké dhéwé karo para sedulur. Nèk wis mulai ora sayang karo para sedulur, kuwi bukti nèk ya wis mulai ora sayang karo Gusti Allah. Tapi, nèk selalu mbuktèkké nèk sayang karo para sedulur, kuwi bukti nèk awaké dhéwé ya sayang banget karo Gusti Allah.

6. Nèk rasa sayangé awaké dhéwé kanggo para sedulur mulai berkurang kuwi bahaya. Lha ngapa? (1 Yohanes 4:​7-9, 11)

⁶ Nèk rasa sayangé awaké dhéwé kanggo para sedulur mulai berkurang, kuwi bahaya. Soalé kuwi berarti hubungané awaké dhéwé karo Yéhuwah wis mulai ora akrab. Rasul Yohanes njelaské, ”Wong sing ora nresnani seduluré sing isa didelok ora isa nresnani Gusti Allah sing ora isa didelok.” (1 Yoh. 4:20) Apa pelajarané? Sing nggawé Yéhuwah seneng kuwi nèk awaké dhéwé ”nresnani liyané”.—Wacanen 1 Yohanes 4:​7-9, 11.

7-8. Apa waé carané mbuktèkké nèk sayang karo para sedulur?

⁷ Ing Alkitab bola-bali disebutké nèk awaké dhéwé kudu ”padha-padha nresnani”. (Yoh. 15:​12, 17; Rm. 13:8; 1 Tés. 4:9; 1 Ptr. 1:22; 1 Yoh. 4:11) Tapi, ”nresnani” kuwi kan perasaan, kuwi ora kétok. Dadi, piyé carané bèn para sedulur ngerti nèk awaké dhéwé sayang karo meréka? Liwat kata-kata lan perbuatan.

⁸ Kanggo mbuktèkké nèk sayang karo para sedulur kuwi carané ana akèh. Contoné, ”Kudu jujur wektu ngomong.” (Za. 8:16) ”Kudu tetep rukun.” (Mrk. 9:50) ”Kudu luwih dhisik ngajèni liyané.” (Rm. 12:10) ”Kudu ramah lan apikan.” (Rm. 15:7) ”Kudu terus . . . tulus ngapura.” (Kol. 3:13) ”Kudu mbantu nanggung bebané wong liya.” (Gal. 6:2) ”Kudu terus menghibur liyané.” (1 Tés. 4:18) ”Kudu terus . . . mbantu liyané.” (1 Tés. 5:11) ’Kudu ndongakké liyané.’—Yak. 5:16.

9. Ngapa kok menghibur sedulur seiman kuwi bukti nèk awaké dhéwé sayang karo dhèwèké? (Deloken gambar kanggo paragraf 9.)

⁹ Ayo mbahas salah sijiné. Ing 1 Tésalonika 4:18 Paulus ngomong, ”Kowé kudu terus menghibur liyané.” Ana réferènsi sing nyebutké nèk kata ”menghibur” sing disebutké Paulus kuwi  maksudé ”ana ing sampingé wong sing lagi susah kanggo nguwatké wong kuwi”. Dadi, nèk menghibur sedulur sing lagi susah kuwi berarti awaké dhéwé mbantu dhèwèké bèn semangat manèh nglayani Yéhuwah. Kuwi bukti nèk awaké dhéwé sayang karo dhèwèké.—2 Kor. 7:​6, 7, 13.

10. Apa hubungané nduwé rasa mesakké karo péngin menghibur?

¹⁰ Nduwé rasa mesakké kuwi ana hubungané karo menghibur. Kok isa? Soalé, nèk nduwé rasa mesakké, awaké dhéwé mesthi dadi péngin menghibur lan nulungi wong sing lagi susah. Dadi, kudu nduwé rasa mesakké sik lagi isa nulungi. Paulus njelaské nèk Yéhuwah kuwi ”Bapak sing gampang mesakké lan Gusti Allah sing mènèhi penghiburan ing keadaan apa waé”. (2 Kor. 1:3) Merga gampang mesakké, Yéhuwah selalu péngin menghibur ”wektu awaké dhéwé ngalami akèh kesusahan”. (2 Kor. 1:4) Kaya mata air sing ngetokké banyu sing seger kanggo wong sing lagi ngelak, Yéhuwah menghibur wong-wong sing lagi susah. Piyé bèn awaké dhéwé isa dadi kaya Yéhuwah sing gampang mesakké lan gelem menghibur sing lagi susah? Carané, awaké dhéwé isa berupaya nduwé sifat-sifat sing marakké dadi gampang ngrasa mesakké lan péngin menghibur. Sifat-sifat apa waé?

11. Menurut Kolose 3:12 lan 1 Pétrus 3:​8, awaké dhéwé kudu nduwé sifat-sifat apa bèn isa tergerak péngin menghibur wong liya?

¹¹ Bèn isa ”terus menghibur liyané”, awaké dhéwé kudu apikan, isa ngrasakké sing dirasakké wong liya, lan nduwé rasa sayang sing kaya karo keluargané dhéwé. (Wacanen Kolose 3:12; 1 Pétrus 3:8.) Ngapa kok nèk nduwé sifat-sifat kuwi awaké dhéwé dadi tergerak kanggo menghibur? Yésus ngomong, ”Apa sing diomongké ing cangkem kuwi asalé saka ati. Wong apik mesthi ngomongké sing apik-apik, merga sing ana ing atiné mung apa sing apik.” (Mat. 12:​34, 35) Dadi, nèk awaké dhéwé nduwé rasa mesakké lan nduwé sifat-sifat kuwi mau, pas ndelok wong susah, awaké dhéwé otomatis tergerak péngin menghibur dhèwèké. Menghibur wong liya kuwi bukti nèk awaké dhéwé sayang karo meréka.

12. (a) Awaké dhéwé kudu ngati-ati merga apa? (b) Pertanyaan apa sing bakal dibahas?

¹² Awaké dhéwé mesthi péngin ”terus nresnani” sedulur seiman. (1 Yoh. 4:7) Tapi, Yésus wis ngomong nèk saiki ”akèh wong suwé-suwé ora nduwé katresnan manèh”. (Mat. 24:12) Mémang, maksudé Yésus kuwi dudu murid-muridé. Tapi, merga saiki akèh wong ora saling menyayangi, awaké dhéwé kudu ngati-ati bèn aja nganti mèlu-mèlu. Saiki, ayo dibahas apa buktiné nèk awaké dhéwé isih sayang banget karo para sedulur?

13. Nèk mèh ngerti isih sayang tenan karo para sedulur apa ora, kuwi isa didelok saka apa?

¹³ Nèk mèh ngerti apa awaké dhéwé isih sayang tenan karo para sedulur apa ora, kuwi isa didelok saka tanggepané awaké dhéwé. (2 Kor. 8:8) Misalé, nèk ana sedulur sing nggawé salah utawa marahi awaké dhéwé lara ati, piyé  tanggepané awaké dhéwé? Pétrus ngomong, ”Sing paling penting, kowé kudu sayang banget karo wong liya, merga katresnan nutupi akèh banget dosa.”—1 Ptr. 4:​8, cathetan ngisor.

14. Menurut 1 Pétrus 4:​8, sayangé awaké dhéwé karo para sedulur kuwi kudu piyé? Kèkana perumpamaan.

¹⁴ Ayo nggatèkké kata-katané Pétrus kuwi. Ing bagéan awal ayat 8 disebutké nèk awaké dhéwé ”kudu sayang banget” karo para sedulur. Kata ”banget” ing kéné, nèk diterjemahké kata per kata artiné ”dijembrèng”. Ing akhir ayat kuwi disebutké nèk sayang banget karo para sedulur, awaké dhéwé bakal ”nutupi akèh banget dosa”. Apa maksudé? Perumpamaané ngéné: Ana méja sing wis akèh nodané lan wis mbarèt-mbarèt. Bèn cacadé ora kétok, isa ditutupi nganggo taplak. Tapi bèn cacadé isa ketutup kabèh, taplaké kudu dijembrèngké. Padha kaya ngono, nèk sayang banget karo para sedulur, awaké dhéwé isa ”nutupi (utawa, ngampuni) akèh banget dosa”.

15. Nèk rasa sayangé awaké dhéwé kanggo para sedulur gedhé banget, awaké dhéwé mesthi gelem ngapa? (Kolose 3:13)

 ¹⁵ Nèk rasa sayangé awaké dhéwé kanggo para sedulur gedhé banget, awaké dhéwé mesthi gelem ngampuni kesalahané meskipun kuwi ora gampang. (Wacanen Kolose 3:13.) Gelem ngampuni kuwi ya bukti nèk awaké dhéwé péngin nggawé Yéhuwah seneng. Tapi, piyé carané bèn ora mung gelem ngampuni tapi ya ora gampang tersinggung?

16-17. Bèn ora terus mikirké èlèké para sedulur, awaké dhéwé kudu piyé? Kèkana perumpamaan. (Deloken gambar kanggo paragraf 16-17.)

¹⁶ Timbang ndelok èlèké para sedulur, luwih apik nggatèkké apiké waé. Coba pikirna perumpamaan iki: Nèk lagi kumpul-kumpul, biasané kan foto bareng. Fotoné ora mung ping pisan, tapi beberapa kali bèn ana cadangan. Misalé wis foto ping telu, ternyata ing salah siji foto ana sedulur siji sing cemberut. Foto sing èlèk mau mesthiné dihapus, ta? Terus, sing disimpen mung foto sing apik, sing kabèh senyum.

¹⁷ Foto-foto kuwi mau isa dipadhakké kaya sing awaké dhéwé éling-éling soal sedulur-sedulur. Awaké dhéwé biasané nduwé kenangan indah wektu bareng karo para sedulur. Tapi, piyé nèk misalé pas kuwi ana sing marakké awaké  dhéwé lara ati? Kuwi isa dadi kenangan sing èlèk. Nah, sing arep diéling-éling kenangan sing apik apa kenangan sing èlèk? Nèk ora ngéling-éling kenangan sing èlèk, kuwi padha kaya mbusak foto sing èlèk mau. (WB. 19:11; Éf. 4:32) Kesalahané para sedulur kuwi isa dilalèkké waé merga awaké dhéwé isih nduwé akèh kenangan sing apik karo meréka.

18. Apa waé sing wis dibahas ing artikel iki?

¹⁸ Ngapa kok kudu terus sayang karo para sedulur? Kaya sing wis dibahas, nèk sayang karo para sedulur kuwi bukti nèk awaké dhéwé sayang karo Yéhuwah. Piyé carané mbuktèkké nèk sayang karo para sedulur? Salah sijiné, awaké dhéwé ”kudu terus menghibur liyané”. Bèn isa kaya ngono, kudu nduwé rasa mesakké. Apa buktiné nèk sayang banget karo para sedulur? Kudu terus berupaya ngampuni para sedulur meskipun kuwi ora gampang.

19. Ngapa kok saiki kudu semakin sayang karo para sedulur?

¹⁹ Ngapa kok saiki awaké dhéwé kudu semakin sayang karo para sedulur? Pétrus ngomong, ”Kabèh wis arep diakhiri. Mula, . . . kowé kudu sayang banget” karo para sedulur. (1 Ptr. 4:​7, 8) Apa sing bakal dialami murid-muridé Yésus? Yésus wis ngramalké, ”Kowé bakal disengiti kabèh bangsa merga kowé muridku.” (Mat. 24:9) Bèn isa tetep setya karo Yéhuwah meskipun disengiti, awaké dhéwé kudu tetep bersatu. Sétan bakal berupaya nggawé awaké dhéwé ora rukun, tapi awaké dhéwé isa tetep ”bener-bener bersatu” merga saling menyayangi.—Kol. 3:14; Flp. 2:​1, 2.