Saka artikel-artikel sakdurungé, awaké dhéwé ngerti carané bèn isa kenal karo Gusti Allah. Ing Alkitab disebutké nèk jenengé Gusti Allah kuwi Yéhuwah lan sifaté sing utama kuwi katresnan. Awaké dhéwé ya wis ngerti apa sing wis dilakukan lan sing bakal dilakukan Gusti Allah kanggo manungsa. Sakjané, isih akèh sing isa dipelajari soal Gusti Allah. Tapi, apa manfaaté nèk sinau soal Gusti Allah?

Yéhuwah ngomong nèk awaké dhéwé isa akrab karo Dhèwèké. (1 Babad 28:9) Bèn isa akrab, awaké dhéwé kudu kenal karo Dhèwèké. (Mazmur 25:14) Apa manfaaté nèk dadi kanca akrabé Yéhuwah?

Isa bener-bener bahagia. Yéhuwah kuwi ”Gusti Allah sing bahagia”. (1 Timotius 1:11) Nèk akrab karo Yéhuwah lan niru sifat-sifaté, awaké dhéwé isa bener-bener bahagia. Hasilé awaké dhéwé ora bakal terlalu strès, ora kuwatir, lan isa tetep séhat. (Mazmur 33:12) Awaké dhéwé ya bakal bahagia nèk ora melakukan kebiasaan sing salah, nduwé kebiasaan sing apik, lan nduwé hubungan sing apik karo wong liya. Iki cocog karo kata-katané sing nulis Mazmur, ”Nyenengké banget isa nyedhak marang Gusti Allah.”​—Mazmur 73:28.

Digatèkké lan diopèni. Yéhuwah ngomong, ”Aku bakal nggatèkké kowé lan mènèhi kowé naséhat.” (Mazmur 32:8) Kuwi maksudé Yéhuwah nggatèkké lan ngekèki apa waé sing dadi kebutuhané saben umaté. (Mazmur 139:1, 2) Nèk akrab karo Yéhuwah, awaké dhéwé isa ngrasakké nèk Dhèwèké selalu siap mbantu.

Nduwé masa depan sing nyenengké. Yéhuwah ya ngekèki masa depan sing nyenengké bèn awaké dhéwé isa luwih bahagia saiki. (Yésaya 48:17, 18) Ing Alkitab ana janji nèk wong sing kenal karo Yéhuwah lan Yésus isa ”urip saklawasé”. (Yohanes 17:3) Harapan kuwi isa dadi jangkar sing nggawé ”kuwat lan yakin” wektu awaké dhéwé ngadhepi kesusahan.​—Ibrani 6:19.

Sakjané isih ana akèh manfaat sing isa awaké dhéwé rasakké nèk kenal lan luwih akrab karo Gusti Allah. Mula, njenengan diundang kanggo sinau bareng karo Seksi-Seksi Yéhuwah utawa mbukak situs wèb jw.org.