2023 წლის 9 მარტს ჰამბურგის (გერმანია) ერთ-ერთ კრებაში შუა კვირის შეხვედრის დასრულების შემდეგ შეიარაღებულმა თავდამსხმელმა ცეცხლი გახსნა. პოლიციამ სწრაფად მოახდინა რეაგირება და ჩვენს დარბაზში სპეცოპერაცია ჩაატარა, თუმცა თავდასხმას მაინც ემსხვერპლა რამდენიმე ჩვენი და-ძმა, ზოგიც დაშავდა. საბოლოოდ თავდამსხმელმა სიცოცხლე თვითმკვლელობით დაასრულა. როგორც გერმანიაში, ისე მსოფლიოს სხვა ქვეყნებში არაერთმა ხელისუფლების წარმომადგენელმა, ორგანიზაციამ და ცალკეულმა პირმა მიუსამძიმრა იეჰოვას მოწმეებს და ამ ფაქტის გამო წუხილი გამოხატა.

• სამწუხაროდ, დაიღუპა 4 ძმა, 2 და და 1 ჯერ არდაბადებული ბავშვი.

• დაშავდა 2 ძმა და 7 და.

• ცენტრალური ევროპის ფილიალის წარმომადგენლებმა, ორმა სარაიონო ზედამხედველმა და ადგილობრივმა უხუცესებმა ყველაფერი გააკეთეს, რომ და-ძმები ენუგეშებინათ და გვერდში დასდგომოდნენ.

ყველანი ვლოცულობთ მათთვის, ვისზეც ამ ტრაგედიამ თავისი კვალი დატოვა. იეჰოვა „ციხესიმაგრეა გაჭირვების დღეს“, ამიტომ გვჯერა, ის დაგვეხმარება, ნებისმიერი სირთულის პირისპირ მშვიდად განვაგრძოთ მისადმი მსახურება (ნაუმი 1:7).