თარიღი: 9—11 აგვისტო, 2019

ადგილი: ვარშავის ლეგიას მუნიციპალური სტადიონი და ტორვარის დარბაზი, ვარშავა

ენები, რომლებზეც პროგრამა ჩატარდა: ინგლისური, პოლონური

დამსწრეთა უმაღლესი რიცხვი: 32 069

მონათლულთა რაოდენობა: 190

სხვა ქვეყნებიდან ჩასული დელეგატების რიცხვი: 6 892

მიწვეული ფილიალები: ეკვადორი, იაპონია, კორეა, მოლდოვა, რუმინეთი, საფრანგეთი, საქართველო, უკრაინა, უნგრეთი, ფინეთი, შეერთებული შტატები, ჩილე, ცენტრალური ევროპა

ადგილობრივი შემთხვევები: კამილ კაზმიერკივიჩი ერთ-ერთი სასტუმროს მთავარი მენეჯერია, სადაც დელეგატები დაბინავდნენ. მან ასეთი რამ მოგვწერა: „თქვენთან თანამშრომლობა ძალიან გაგვიადვილდა. ნეტა ყოველთვის თქვენნაირი კეთილი და პოზიტიური სტუმრები გვყავდეს. თქვენ შორის არსებული ერთობა და სიყვარული აშკარა იყო ... ქედს ვიხრი ამ ღონისძიების ორგანიზატორების წინაშე“.

კამილ ლუბანსკიმ, სატრანსპორტო კომპანიის მფლობელმა, რომელიც ავტობუსებით ემსახურებოდა დელეგატებს, აღნიშნა: „თავიდანვე მივხვდი, რომ იეჰოვას მოწმეებთან კარგად ვითანამშრომლებდით. ძალიან ორგანიზებული ხალხი ხართ და თქვენს საქმეს პროფესიონალურად ასრულებთ. ეს მასშტაბური ღონისძიება მართლაც კარგად გქონდათ დაგეგმილი. ჩვენს კომპანიას არაერთ ცნობილ კლიენტთან, მათ შორის სამთავრობო ღონისძიებების ორგანიზატორებთან უთანამშრომლია როგორც პოლონეთში, ისე ევროპის სხვა ქვეყნებში. მაგრამ იშვიათად შეგვხვედრია თქვენნაირი კარგად მომზადებული და ორგანიზებული ხალხი. ჩვენი მძღოლებისა და სხვა თანამშრომლებისგან იეჰოვას მოწმეებზე მხოლოდ კარგს მოისმენთ. ვიმედოვნებთ, რომ მომავალში კიდევ მოგვეცემა თქვენთან თანამშრომლობის შესაძლებლობა“.