2023 წლის 24 იანვარს კუზნეცკის რაიონულმა სასამართლომ (კემეროვოს ოლქი) დამნაშავედ ცნო სერგეი სუშილნიკოვი და ექვსი წლით პირობითი სასჯელი შეუფარდა. მისთვის გამოტანილი განაჩენი არ ითვალისწინებს თავისუფლების აღკვეთას.

1. 2019 წლის ნოემბერი

   სერგეის სახლში გამომძიებლებმა ფარულად დაამონტაჟეს სათვალთვალო კამერები და დაიწყეს მისი სატელეფონო საუბრების მოსმენა.

2. 2021 წლის 3 ივნისი

   მის წინააღმდეგ აღიძრა სისხლის სამართლის საქმე.

3. 2021 წლის 8 ივნისი

   გაჩხრიკეს სერგეის სახლი, რის შემდეგაც ის და მისი მეუღლე განყოფილებაში გადაიყვანეს.

4. 2021 წლის 15 ივლისი

   სერგეი დაამატეს ტერორისტთა სიას და დაუბლოკეს საბანკო ანგარიშები.

5. 2022 წლის 8 თებერვალი

   მას ბრალი წაუყენეს იმის გამო, რომ კვლავაც მონაწილეობდა ექსტრემისტული ორგანიზაციის საქმიანობაში და ორგანიზებას უწევდა მას. სერგეის გადაადგილების შეზღუდვა დაუწესეს.

6. 2022 წლის 30 მარტი

   დაიწყო სასამართლო მოსმენა.

ძალიან გვამხნევებს იმის დანახვა, რომ იეჰოვა ყოველთვის მხარში უდგას თავის ერთგულ მსახურებს (ფსალმუნი 46:1).