იობი 28:1—28
28 «არსებობს საბადო ვერცხლისადა საბადო ოქროსი, რომელიც იწმინდება.+
2 რკინას მიწაში მოიპოვებენდა სპილენძს ქვებიდან ადნობენ.+
3 კაცი სიბნელეს სძლევს;კიდით კიდემდე, წყვდიადსა და უკუნეთშიეძებს მადანს.
4 თხრის მაღაროს ადამიანთა სამკვიდროდან შორს,მივიწყებულ ადგილას, იქიდან შორს, სადაც ხალხი მიმოდის.
თოკზე დაკიდებულნი ჩადიან და სიღრმეში ქანაობენ.
5 საკვები მიწაზე აღმოცენდება,მაგრამ მიწას შიგნიდან თითქოს ცეცხლი არყევსო.
6 იქ ქვებში საფირონიადა მტვერში — ოქრო.
7 არცერთმა მტაცებელმა ფრინველმა არ იცისიქამდე მისასვლელი გზა,
არც შავ ძერას მოუკრავს მისთვის თვალი.
8 ის მხეცებს არ გაუტკეპნიათ;იმ გზაზე ლომს არ გაუვლია.
9 კაცი ამტვრევს სალ კლდეებსდა თავდაყირა აყენებს მთებს.
10 კლდეებში წყლის არხები+ გაჰყავსდა მისი თვალი ყოველგვარ ძვირფასეულობას ხედავს.
11 მდინარეებს სათავეშივე ხერგავსდა დამალული სინათლეზე გამოაქვს.
12 მაგრამ სიბრძნე სად იპოვება?!+ან გონიერება საიდან იღებს სათავეს?!+
13 მოკვდავმა კაცმა არ იცის მისი ფასი;+ვერ იპოვი მას ამ ცისქვეშეთში.
14 ღრმა წყალი ამბობს, არ არის ის ჩემშიო,
და ზღვაც ამბობს, არ არის ის ჩემთანო.+
15 არ გაიცვლება ის ხალას ოქროზედა აუწონელი ვერცხლის სანაცვლოდაც ვერ მოიპოვებ მას;+
16 არც ოფირის ოქროზე გაიცვლება,+არც იშვიათ ონიქსზე და არც საფირონზე.
17 მას ვერც ოქრო და მინა შეედრებადა ის არც ხალასი ოქროს ჭურჭელზე გაიცვლება.+
18 მარჯანი და ბროლი რა მოსატანია,+როცა ქისა მარგალიტიც კი ვერ შეედრება ქისა სიბრძნეს;
19 მას ვერც ქუშის ტოპაზი+ შეედრებადა ის ხალას ოქროზეც არ გაიცვლება.
20 აბა სად იპოვება სიბრძნე?!ან საიდან იღებს სათავეს გონიერება?!+
21 დამალულია ყველა არსების თვალთაგან+და ვერ ხედავენ მას ცის ფრინველები.
22 განადგურება და სიკვდილი ამბობენ,მასზე მხოლოდ ყურმოკვრით გვსმენიაო.
23 ღმერთმა იცის, თუ სად იპოვება ის,მხოლოდ მან იცის, სად მკვიდრობს იგი,+
24 რადგან დაჰყურებს იგი დედამიწის კიდეებსდა ყველაფერს ხედავს ცისქვეშეთში.+
25 ქარს რომ ძალა* მისცა+და წყლებს საზღვრები დაუწესა,+
26 წვიმას რომ წესი დაუდო+და მგრგვინავ ღრუბელს გზა დაუდგინა,+
27 მაშინ იხილა სიბრძნე თავის ნამოქმედარში და ახსნა;მან მისცა დასაბამი სიბრძნეს და გამოსცადა კიდეც.
28 შემდეგ ადამიანს უთხრა:
„სიბრძნე იეჰოვას შიშია,+გონიერება კი — ბოროტებისგან განდგომა“».+
სქოლიოები
^ სიტყვასიტყვით — „წონა“.
