მატიანე — წიგნი პირველი 16:1—43
16 მიიტანეს ღვთის კიდობანი და იმ კარავში დადგეს, რომელიც დავითს კიდობნისთვის ჰქონდა გაშლილი.+ შემდეგ დასაწვავი მსხვერპლი და სამშვიდობო მსხვერპლი შესწირეს ღმერთს.+
2 როცა დაასრულა დავითმა დასაწვავი მსხვერპლისა+ და სამშვიდობო მსხვერპლის შეწირვა,+ დალოცა ხალხი იეჰოვას სახელით.
3 ჩამოურიგა ყველას, კაცსაც და ქალსაც, თითო მრგვალი პური და ფინიკისა და ქიშმიშის თითო-თითო კვერი*.
4 დააყენა ზოგიერთი ლევიანი იეჰოვას კიდობნის წინ მსახურების შესასრულებლად+ და ისრაელის ღვთისთვის, იეჰოვასთვის, პატივის მისაგებად, მადლობის შესაწირავად და მის განსადიდებლად.
5 მათი ხელმძღვანელი იყო ასაფი,+ მას ეხმარებოდა ზაქარია; იეიელი, შემირამოთი, იეხიელი, მათითია, ელიაბი, ბენაია, ობედ-ედომი და იეიელი+ ქნარებსა და სხვა სიმებიან საკრავებს უკრავდნენ,+ ასაფი კი — წინწილებს.+
6 მღვდლები ბენაია და იახაზიელი ღვთის შეთანხმების კიდობნის წინ საყვირებს აყვირებდნენ.
7 იმ დღეს პირველად უძღვნა დავითმა იეჰოვას საგალობელი, რომელიც ასაფმა+ და მისმა მოძმეებმა შეასრულეს:
8 «მადლობდეთ იეჰოვას,+ მოუხმეთ მის სახელს,აუწყეთ ხალხებს მისი საქმეების შესახებ!+
9 უგალობეთ მას და ხოტბა შეასხით,+ჩაუფიქრდით მის საოცარ საქმეებს*.+
10 იამაყეთ მისი წმინდა სახელით;+
გულით გაიხარონ იეჰოვას მძებნელებმა!+
11 ეძებეთ იეჰოვა+ და მისი ძალა,
მუდამ ესწრაფეთ მისგან წყალობის მიღებას.+
12 გახსოვდეთ მისი საოცარი საქმეები,+მისი მრავალი სასწაული და განაჩენი,
13 ისრაელის, მისი მსახურის, შთამომავლებო,+იაკობის ძეებო, ღვთის რჩეულნო!+
14 ის არის იეჰოვა, ჩვენი ღმერთი.+
მისი სამართალი მთელ დედამიწაზე ვრცელდება.+
15 მარადიულად გახსოვდეთ მისი შეთანხმება,ათასი თაობისთვის მიცემული პირობა,+
16 აბრაამთან დადებული შეთანხმება+და ისაკისთვის მიცემული ფიცი,+
17 რაც წესად დაუდგინა იაკობს+და მარადიულ შეთანხმებად უქცია ისრაელს:
18 „მოგცემ ქანაანის მიწას,+ეს იქნება შენი სამკვიდრო“.+
19 მაშინ ცოტანი იყვნენ ისინი,ძალიან ცოტანი, თანაც ხიზნები იმ მიწაზე.+
20 ერიდან ერში გადადიოდნენ,სამეფოდან — სამეფოში.+
21 მან არავის დააჩაგვრინა ისინი,+მეფეებსაც კი აფრთხილებდა მათ გამო:+
22 ჩემს ცხებულებს ხელი არ ახლოთდა ჩემს წინასწარმეტყველებს არაფერი დამართოთო!+
23 უგალობეთ იეჰოვას, დედამიწის მკვიდრნო!
დღემუდამ ახარეთ, რომ ის მხსნელია!+
24 უამბეთ მისი სიდიადის შესახებ ერებსდა მის საოცარ საქმეებზე — ხალხებს,
25 რადგან დიდებულია იეჰოვა და დიდად საქები,
ყველა ღმერთზე შიშის მომგვრელია იგი.+
26 ხალხთა ღმერთები უსარგებლონი არიან,+იეჰოვამ კი ზეცა შექმნა.+
27 სიდიადითა და ბრწყინვალებითაა მოსილი,+ძალა და სიხარულია მის სამკვიდროში.+
28 პატივი მიაგეთ იეჰოვას, ხალხთა ტომებო,პატივი მიაგეთ იეჰოვას,რადგან ის დიდებული და ძლევამოსილია!+
29 განადიდეთ იეჰოვა მისი სახელის გამო,+
ძღვნით წარდექით მის წინაშე,+
მუხლი მოიყარეთ იეჰოვას წინაშეწმინდა სამოსლით შემოსილებმა*.+
30 მის წინაშე თრთოდეთ, დედამიწის მკვიდრნო!
მტკიცედაა დაფუძნებული დედამიწა, არასდროს შეირყევა.+
31 გაიხაროს ზეცამ და იმხიარულოს დედამიწამ!+ამცნეთ ერებს, რომ გამეფდა იეჰოვა!+
32 იხმაუროს ზღვამ და ყველაფერმა, რაც მასშია,იხარონ ველ-მინდვრებმა და ყველაფერმა, რაც მათზეა!
33 ტყის ყველა ხემაც იმხიარულოს იეჰოვას წინაშე,რადგან მოდის იგი დედამიწის გასასამართლებლად!
34 მადლობა შესწირეთ იეჰოვას, რადგან კარგია იგი,+მარადიული და ურყევია მისი სიყვარული*!+
35 უთხარით: „გვიხსენი, ღმერთო, ჩვენო მხსნელო,+შეგვკრიბე და გვიხსენი სხვა ერებისგან,რათა ვმადლობდეთ შენს წმინდა სახელს+და სიხარულით გიძღვნიდეთ ქებას.+
36 მარადიულად იდიდოს იეჰოვამ,ისრაელის ღმერთმა!“»
მთელმა ხალხმა თქვა: „ამინ!“, და განადიდეს მათ იეჰოვა.
37 დავითმა იეჰოვას შეთანხმების კიდობანთან დატოვა ასაფი+ და მისი მოძმეები, რათა მუდამ კიდობნის წინ ემსახურათ+ და ყოველდღიურად შეესრულებინათ თავიანთი მოვალეობა.+
38 ობედ-ედომი და მისი მოძმეები, სულ 68 კაცი, აგრეთვე იედუთუნის ძე ობედ-ედომი და ხოსა კარიბჭის მცველები იყვნენ.
39 მღვდელი ცადოკი+ სხვა მღვდლებთან ერთად გაბაონში,+ სათაყვანო მაღლობზე, იეჰოვას კარვის წინ მსახურობდა;
40 ისინი ყოველდღიურად, დილა-საღამოს, დასაწვავ მსხვერპლს სწირავდნენ იეჰოვას დასაწვავი შესაწირავის სამსხვერპლოზე და ყველაფერს აკეთებდნენ, რაც იეჰოვას მიერ ისრაელისთვის მიცემულ კანონში ეწერა.+
41 მათთან ერთად იყვნენ ჰემანი, იედუთუნი+ და სხვა არჩეული კაცები, რომლებიც იეჰოვას მადლობას სწირავდნენ+ და გალობდნენ, მარადიული და ურყევიაო მისი სიყვარული*.+
42 ჰემანი+ და იედუთუნი უკრავდნენ საყვირებს, წინწილებსა და სხვა საკრავებს ღვთის განსადიდებლად, იედუთუნის ძეები+ კი კარიბჭესთან იდგნენ.
43 მთელი ხალხი სახლებში წავიდ-წამოვიდა; დავითიც შინ დაბრუნდა თავისი სახლეულობის დასალოცად.
სქოლიოები
^ იგულისხმება დაპრესილი და გამომშრალი ფინიკი და ქიშმიში.
^ ან შესაძლოა: „ილაპარაკეთ მის საოცარ საქმეებზე“.
^ ან შესაძლოა: „მისი სიწმინდის სიდიადის გამო“.
^ ებრ. „ხესედ“. იხ. „ურყევი სიყვარული“ („ბიბლიურ სიტყვათა განმარტებანი“).
^ ებრ. „ხესედ“. იხ. „ურყევი სიყვარული“ („ბიბლიურ სიტყვათა განმარტებანი“).
