იეჰოვა ჩვენ დასახმარებლად მსოფლიო საძმოს იყენებს (1 პეტ. 5:9). თანაქრისტიანები მხარში გვიდგანან მაშინაც, როცა მსახურების დროს დახმარებას ვსაჭიროებთ. მაგალითად, მოციქულ პავლეს დიდი დახმარება აღმოუჩინეს აკვილამ, პრისკილამ, სილამ, ტიმოთემ თუ სხვებმა (საქ. 18:1—5).

რა მხრივ გვეხმარებიან თანაქრისტიანები მსახურებაში? მათ შესაძლოა გვირჩიონ, როგორ შეიძლება საუბრის შეწყვეტის მცდელობის გადალახვა, განმეორებითი მონახულებების გაკეთება და ბიბლიის შესწავლის შეთავაზება თუ ჩატარება. რჩევისთვის მიმართეთ იმ მაუწყებელს, ვისზეც ფიქრობთ, რომ შეძლებს თქვენს დახმარებას. ასეთი თანამშრომლობის წყალობით ორივე დაიხვეწებით და სიხარულს გამოცდით მსახურებაში (ფილ. 1:25).

უყურეთ ვიდეორგოლს „იეჰოვა გეხმარებათ, სიხარული პოვოთ მოწაფეების მომზადების საქმეში — თანაქრისტიანები“, და უპასუხეთ შემდეგ კითხვებს:

• როგორ შეეცადა ნიტა ჯეიდის კრების შეხვედრაზე დაპატიჟებას?

• რატომ უნდა მოვიწვიოთ ბიბლიის შესწავლებზე სხვა მაუწყებლები?

• რა საერთო აღმოაჩნდათ ჯეიდსა და აბიგაილს?

• რისი სწავლა შეიძლება თანაქრისტიანებისგან მსახურებაში?