ზოგს სწამს, რომ სხვა სხეულში განვაგრძობთ სიცოცხლეს, მაშინ როცა სხვების აზრით, სიკვდილით ყველაფერი მთავრდება. თქვენ რას ფიქრობთ?

რას ასწავლის ბიბლია?

„მკვდრებმა არაფერი იციან“ (ეკლესიასტე 9:5). სიკვდილის შემდეგ ადამიანი არსებობას წყვეტს.

კიდევ რას ვიგებთ ბიბლიიდან?

• პირველი ადამიანი, ადამი, სიკვდილის შემდეგ მიწას დაუბრუნდა (დაბადება 2:7; 3:19). მსგავსადვე, ყველა, ვინც კვდება, მიწის მტვერს უბრუნდება (ეკლესიასტე 3:19, 20).

• მკვდარი ცოდვისგან თავისუფლდება, ანუ მისი ცოდვები ბათილდება (რომაელები 6:7). სიკვდილის შემდეგ ღმერთი აღარ სჯის ადამიანებს წარსულში ჩადენილი ცოდვების გამო.

თქვენ რას ფიქრობთ?

• დიახ

• არა

• შეიძლება

რას ასწავლის ბიბლია?

„იქნება მკვდრეთით აღდგომა“ (საქმეები 24:15).

კიდევ რას ვიგებთ ბიბლიიდან?

• ხშირად ბიბლია სიკვდილს ძილს ადარებს (იოანე 11:11—14). ღმერთს შეუძლია, ასე ვთქვათ, გააღვიძოს მკვდარი, როგორც ჩვენ ვაღვიძებთ მძინარე ადამიანს (იობი 14:13—15).

• ბიბლიაში ჩაწერილია მკვდრეთით აღდგომის რამდენიმე შემთხვევა, რაც ურყევ საფუძველს გვაძლევს, გვჯეროდეს, რომ მკვდრებს სიცოცხლე დაუბრუნდებათ (1 მეფეები 17:17—24; ლუკა 7:11—17; იოანე 11:39—44).