ღვთის სახელს იყენებენ ცენტრალურ აფრიკაში

ცენტრალურ აფრიკაში ადამიანთა უმრავლესობას ღმერთი სწამს. მათ ეჭვი არ ეპარებათ, რომ ის ყოველივეს შემოქმედია (გამოცხადება 4:11). თუმცა, როგორც ყველგან, აქაც ხშირად უგულებელყოფენ მის პირად სახელს — იეჰოვას.

ცენტრალურ აფრიკაში, როგორც მსოფლიოს სხვა კუთხეებში, ღვთის სახელს მოიხსენიებენ, როდესაც უფლის ლოცვას ამბობენ: „წმიდა იყოს სახელი შენი“ (მათე 6:9). მაგრამ დიდი ხნის განმავლობაში მცირედმა თუ იცოდა ეს სახელი. წლების მანძილზე იეჰოვას მოწმეების გულმოდგინე სამქადაგებლო საქმიანობამ ღვთის სახელთან დაკავშირებით ხალხის დამოკიდებულება შეცვალა. დღეს ღვთის სახელი ფართოდ არის გავრცელებული და მიღებული ბევრ აფრიკულ ენაში, მაგალითად, ისეთ ენებში, როგორიცაა: ზულუ (უჯაჰოვა), იორუბა (ჯეჰოფა), კოსა (უიეჰოვა) და სუაჰილი (იეჰოფა). მაგრამ ამ ენებზე გაკეთებული თარგმანების უმეტესობა ერიდება ღვთის სახელის გამოყენებას.

ერთ-ერთი შესანიშნავი თარგმანი, რომელიც ღვთის სახელს იყენებს, შესრულებულია ზანდეზე — ენაზე, რომელზეც საუბრობენ ცენტრალური აფრიკის რესპუბლიკის ზოგ მხარეში, სუდანსა და კონგოს დემოკრატიულ რესპუბლიკაში. დედამიწის ამ კუთხეში ხალხი ღვთის სახელს შემდეგნაირად წარმოთქვამს მშობლიურ ენაზე: „იეკოვა“. მიუხედავად იმისა, თუ როგორ გამოითქმება ღვთის სახელი ამა თუ იმ ენაზე, მისი გამოყენება მნიშვნელოვანია. რატომ? «რადგან ყოველი, ვინც უფლის [„იეჰოვას“, აქ] სახელს მოუხმობს, გადარჩება» (რომაელთა 10:13).

[რუკა⁄სურათი 32 გვერდზე]

(სრული ტექსტი იხილეთ პუბლიკაციაში)

სუდანი

ცენტრალური აფრიკის რესპუბლიკა

კონგოს დემოკრატიული რესპუბლიკა

[საავტორო უფლება]

The Complete Encyclopedia of Illustration/J. G. Heck